بۇگىن بەلگىلى جۋرناليست بەيسەن قۇرانبەك 49 جاسقا قاراعان شاعىندا اۋىر سىرقاتتان كوز جۇمدى. Qamshy.kz اقپارات اگەنتتىگى مارقۇمنىڭ جازىپ كەتكەن كەيبىر تاعىلىمدى سوزدەرىن وقىرمان نازارىنا ۇسىنادى.

"ءبىلۋ – بولەك ، ءتۇسىنۋ – باسقا.
جىل باسىنان بەرگى ىشكى ارپالىسقا تولى كۇندەرىمدە، ۇيقىسىز تۇندەرىمدە ءۇش نارسەنى تەرەڭىرەك ءتۇسىندىم...

ءبىرىنشى، ۇستازىم ءجيى ايتاتىن "بۇل ومىردە اقشادان دا، بيلىكتەن دە قۇدىرەتتى دۇنيە بار. ول- نيەتتىڭ، تىلەكتىڭ، باتانىڭ كۇشى" دەگەن ءسوزدىڭ راس ەكەنىن.

ەكىنشى، حالقىمىزدىڭ "باستى بايلىق – دەنساۋلىق" دەپ ءبىر اۋىز سوزبەن ايتا سالعان دانالىعىنا باس ءيدىم. ۇيقى تىنىش، تابەتىڭ جاقسى بوپ، ەرتەڭگىسىن ەش جەرىڭ اۋىرماي ويانۋدىڭ ءوزى جارتى باقىت ەكەنىن ۇقتىم.

ۇشىنشىدەن، بابالارىمىز قالدىرعان "بايلىق – قولعا ۇستاعان مۇز، باقىت – باسقا قونعان قۇس، بالا – ارتتا قالار ءىز، بۇل ءومىردىڭ قىزىعى – ءسىز بەن ءبىز" دەگەن ءسوزىنىڭ تۇتاس ومىرلىك فيلوسوفيا ەكەنىن، ءومىردىڭ ءمانى دە، ءسانى دە سىيلاستىقتا ەكەنىن ءار كلەتكاممەن سەزىندىم.

مەنىڭ ەشقانداي "زاسلۋگام" جوق تۋعان كۇنىمدە اقجارما تىلەگىن اقتارعان بارشاڭىزعا مىڭ قايتارا العىس ايتا وتىرىپ، ءبىر-بىرىمىزدىڭ تىلەۋىمىزدى تىلەپ، دەنساۋلىقتىڭ ءقادىرىن ءبىلىپ، ءبىر-بىرىمىزدى شىن كوڭىلمەن قۇرمەتتەي بىلەيىكشى دەگىم كەلەدى.
بار بولىڭىزدار!!!"

(مارقۇم بەيسەن قۇرانبەكتىڭ Facebook پاراقشاسىنان)