الماتى قالاسىنىڭ اكىمدىگى «زور رۋح» قايىرىمدىلىق قورىمەن بىرلەسىپ، حالىقارالىق وتباسى كۇنىن مەرەكەلەۋ اياسىندا قازاقستاندىقتار ءۇشىن ونلاين رەجيمدە ءبىرقاتار ءىس-شارالاردى ىسكە قوستى.

اتالعان ءىس-شارانىڭ ماقساتى – وتباسىلىق قۇندىلىقتاردى نىعايتۋ، سونداي-اق تۇلعالىق رۋحاني جاعىنان دامۋعا كومەك كورسەتۋ.

«رۋحاني جاڭعىرۋ» باعدارلاماسىندا قوعامدىق سانانى جاڭعىرتۋعا، مادەني كودتى نىعايتۋعا جانە رۋحاني دامۋعا ەرەكشە كوڭىل بولىنەتىنىن اتاپ وتكەن ءجون.

وتباسىلىق ومىرگە دايىندىق دەڭگەيىن انىقتاۋ ءۇشىن ونلاين-تەستىلەۋ وتەدى (forms.gle/kdWhvvSjKCnQx67q9)، ول جاستاردىڭ نەكەگە دەگەن كوزقاراسىن باعالاۋدا جاردەم بەرىپ، سانالى كوزقاراسپەن وتباسىن قۇرۋعا مۇمكىندىك بەرەدى. تەستىلەۋ قورىتىندىسى بويىنشا بالل تۇرىندەگى ناتيجەلەر، سونداي-اق تۇلعالىق دامۋى ءۇشىن پايدالى ادەبيەتكە قول جەتكىزۋ، وتباسىنداعى ءوزارا قارىم-قاتىناستى نىعايتۋ قولجەتىمدى بولادى.

سونىمەن قاتار، اعىمداعى جىلدىڭ 15 مامىرىندا ساعات 15.00-دە جاستارعا، وتباسىلىق جۇپتارعا وز-وزدەرىن تۇسىنۋگە جانە ءبىر-بىرىن جاقسى تۇسىنۋگە كومەكتەسەتىن وتباسىلىق قارىم-قاتىناس تاقىرىبىنا تەگىن ونلاين سەمينار-ترەنينگ وتكىزىلەدى. ق ر كاسىبي پسيحولوگيالىق ليگاسى مەن ۇلتتىق ترەنەرلەر پۋلىنىڭ مۇشەسى دانييل فايزۋللايەۆ ءوزىنىڭ Instagram پاراقشاسىندا تىكەلەي ەفير وتكىزەدى (instagram.com/danil_faizullaev)، سۇراق قويۋ جانە جاۋاپ الۋ مۇمكىندىگى بولادى. ءىس-شارا جاستاردىڭ نەكە-وتباسى قاتىناستارىن قۇرۋ ماسەلەلەرى بويىنشا حاباردار بولۋ دەڭگەيىن ارتتىرۋعا باعىتتالعان.