ديماش نيازوۆ WBC (دۇنيەجۇزىلىك بوكس كەڭەسى) ۇيىمىنىڭ «الەم باتىرى» ماراپاتىنا يە بولدى. بۇل تۋرالى ديماش نيازوۆ ءوزىنىڭ Instagram پاراقشاسىندا حابارلاعان.
بوكس قاۋىمداستىعىنىڭ وكىلدەرى، ديماش نيازوۆقا COVID-19 پاندەمياسى كەڭ تاراعان قيىن كەزەڭدە جۇمىس ىستەۋدى جالعاستىرعانى ءۇشىن العىس ايتقان.
"مەن WBC تاعايىنداعان "الەم باتىرى" اتاعىنا يە بولدىم. WBC قاۋىمداستىعىنا ەڭبەگىمدى ەلەپ، وسىنداي اتاق بەرگەنى ءۇشىن العىس ايتامىن. مەن ءارى قاراي دا ءوز جۇمىسىمدى ۇلكەن ىقىلاسپەن جالعاستىرىپ، مەنەن كەيىنگى باۋىرلارىما ۇلگى بولۋعا تىرىسامىن. مەن مۇنى باعالايمىن"، - دەپ جازعان ديماش نيازوۆ.
ديماش نيازوۆ شىمكەنت قالاسىندا دۇنيەگە كەلدى، 13 جاسىندا اتا-اناسىمەن اقش-قا كوشەدى. كەيىن جەرگىلىكتى پوليسيا قىزمەتىندە جۇمىس ىستەيدى، سونىمەن قاتار كاسىپقوي بوكسپەن اينالىسادى. بۇدان بولەك ديماش نيازوۆ نيۋ-يورك پوليسياسىنداعى قىزمەتى ءۇشىن ارنايى توسبەلگىنى دە العان بولاتىن. ول بوكستاعى كوپتەگەن بەدەلدى كۋبوكتاردىڭ يەگەرى جانە «نيۋ-يوركتەگى ەڭ ۇزدىك پوليسيا وفيسەرى» اتاعىنا يە بولعان.
پىكىر قالدىرۋ