اقتوبەدە كوروناۆيرۋس جۇقتىرعان ايەل قايتىس بولدى. بۇل تۋرالى اقتوبە وبلىستىق دەنساۋلىق ساقتاۋ باسقارماسىنىڭ جەتەكشىسى اسەت قالييەۆ حابارلادى، دەپ جازادى موي گورود سايتى. 

ايەل ينفەكسيالىق اۋرۋحانادا نەبارى ءبىر كۇن بولعان. پالاتادا كەنەت جاعدايى ناشارلاعان. دارىگەرلەر رەانيماسيالىق ەمدەۋ شارالارىن جۇرگىزگەنمەن جۇرەگى توقتادى. كلينيكالىق باقىلاۋ وكپە ارتەرياسى ەمبولياسىنىڭ اسقىنعانىن كورسەتكەن. بۇل كوروناۆيرۋس ينفەكسياسىمەن بايلانىستى ەمەس. ناۋقاس پسر تەكسەرۋدەن ءوتىپ، كوروناۆيرۋس ينفەكسياسى انىقتالعان. ءبىراق ناۋقاستا كوروناۆيرۋسپەن قاتار كوپ اۋرۋ تابىلعان. جۇرەك-قانتامىر اۋرۋىنا شالدىققاندار ەسەبىندە تۇرعان. ۆيرۋس ناۋقاستىڭ جاعدايىنىڭ ناشارلاۋىنا اسەر ەتتى مە، جوق پا، ونى كوميسسيا شەشەدى، - دەدى باسقارما جەتەكشىسى.

اسەت قالييەۆتىڭ ايتۋىنشا، اكتوبە وبلىسىندا كوروناۆيرۋس جۇقتىرعان 250 جاعداي تىركەلگەن. سونداي-اق  63 ناۋقاس ستاسيوناردا جاتىر. ەكەۋى - رەانيماسيا بولىمىندە. بىرەۋىنىڭ جاعدايى - وتە اۋىر، جاساندى تىنىس الۋ اپپاراتىمەن دەمالىپ جاتىر. ەكىنشى ناۋقاستىڭ جاعدايى - اۋىر. ناۋقاستار اراسىندا 17 بالا بار، 10-ى جازىلىپ شىققان.