ءىىم باسشىسى ەرلان تۇرعىمبايەۆ بلوكبەكەت جۇمىسىنا تارتىلعان قىزمەتكەرلەرگە العىسىن ءبىلدىردى، – دەپ حابارلايدى Polisia.kz.
– بۇكىل الەم قوعامعا جاڭا ءقاۋىپ – قاتەرمەن-كوروناۆيرۋس پاندەمياسىمەن كۇرەسۋدە. بۇل جۇمىستان قازاقستاندا قالىس قالعان جوق. دەر كەزىندە قابىلدانعان شارالاردىڭ، دارىگەرلەردىڭ، پوليسەيلەردىڭ، اسكەريلەردىڭ جانە ەرىكتىلەردىڭ جانقيارلىق ەرلىگىنىڭ، سونداي-اق حالىقتىڭ جاۋاپكەرشىلىگى مەن ءتارتىبىنىڭ ارقاسىندا ءبىزدىڭ ەلىمىزدەگى جاعداي قالىپتى، – دەپ اتاپ ءوتتى ەرلان تۇرعىمبايەۆ.
مينيستر ق ر پرەزيدەنتى قاسىم-جومارت توقايەۆتىڭ تاپسىرماسى بويىنشا، ىشكى ىستەر ورگاندارىنىڭ بارلىق كۇشتەرى قوعامدىق ءتارتىپ پەن تۇرعىنداردىڭ قاۋىپسىزدىگىن ساقتاۋعا، كارانتيندىك ءىس-شارالاردى قامتاماسىز ەتۋگە باعىتتالعانىن ايتتى. 52 000-نان استام قىزمەتكەرلەر - پوليسەيلەر، قۇتقارۋشىلار، اسكەري قىزمەتشىلەر جانە ىشكى ىستەر ورگاندارىنىڭ مەديسينا قىزمەتكەرلەرى بلوكپوستاردا ۇزدىكسىز قىزمەت اتقاردى، تىرشىلىكتى قامتاماسىز ەتۋدىڭ ماڭىزدى وبەكتىلەرىن، مەديسينالىق مەكەمەلەر مەن كارانتيندىك ايماقتاردى كۇزەتتى.
قوعامدىق ءتارتىپتى ساقتاۋدى كۇشەيتۋ ءۇشىن پوليسيا مەن ۇلتتىق ۇلان جاساقتارىنىڭ سانى مەن تىعىزدىعى ارتتى. كوشەلەر، ساياباقتار، سكۆەرلەر، تۇرعىن ءۇي الاپتارى، ساۋدا نىساندارى بارىنشا قامتىلدى. ءوزىن-وزى وقشاۋلاۋ جانە شەكتەۋ ءتارتىبى كەزەڭىندە قابىلدانعان شارالاردىڭ ارقاسىندا ەلدەگى قىلمىس 26 پايىزعا تومەندەدى. مۇنداي ەرەكشە رەجيمدە پوليسيا جانە ءىىم-نىڭ باسقا دا كۇشتەرى العاش رەت جۇمىس ىستەدى.
– بۇل وڭاي ەمەس ەدى. تاۋلىك بويى جۇمىس رەجيمى، ءبىرقاتار جاعدايلاردا دالا جاعدايلارىمەن كازارمالىق جاعدايى، ءۇي مەن وتباسىنان الشاقتىعى، كەيدە جەكەلەگەن ازاماتتاردىڭ تۇسىنبەۋى مەن قارسىلاسۋى ۇلكەن پسيحولوگيالىق جانە فيزيكالىق جۇكتەمەلەر تۋدىردى. ءبىراق ءبىزدىڭ قىزمەتكەرلەرىمىز بارلىق 78 كۇن بويى ەل باسشىلىعى قويعان مىندەتتەردى ناقتى ورىنداي وتىرىپ، قىزمەت وتكەرۋدى جالعاستىردى، – دەدى ءىىم باسشىسى.
ىشكى ىستەر جانە دەنساۋلىق ساقتاۋ ورگاندارىنىڭ بارلىق قىزمەتكەرلەرى تاۋلىك بويى جۇمىس ىستەدى جانە ادامدارعا قيىن ۋاقىتتا كومەك كورسەتتى، ولاردىڭ دەنساۋلىعىن قورعاۋدا الدىڭعى شەپتە تۇردى. تەك ورتاقتاسا قارسى تۇرۋدىڭ عانا ارقاسىندا كوروناۆيرۋس ىندەتىنىڭ جاپپاي جۇقتىرىلۋىنا جانە كوبەيۋىنە جول بەرىلمەدى. قىزمەتتىك مىندەتتەرىن ادال ورىنداعانى، بلوكپوستا كوروناۆيرۋستىق ينفەكسيامەن كۇرەس جونىندەگى ءىس-شارالارعا تىكەلەي قاتىسقانى ءۇشىن ءمينيستردىڭ بۇيرىعىمەن ەرەكشە كوزگە تۇسكەن قىزمەتكەرلەر گراموتالارمەن جانە العىس حاتتارمەن ماراپاتتالدى.
ءىىم-نىڭ قىلمىستىق-اتقارۋ جۇيەسى دە شەت قالمادى، ونىڭ مەكەمەلەرىندە قىسقا مەرزىمدە قورعاۋ قۇرالدارىن: تاۋەكەل ايماعىندا ورنالاسقان قىزمەتكەرلەرگە ارنالعان ماسكالار مەن كومبينەزوندار ءوندىرىسى جولعا قويىلدى. وسىلايشا سوتتالعاندار دا پاندەميامەن كۇرەسكە ءوز ۇلەسىن قوستى، ولارعا جەكە العىس ايتىلدى.
– ەلدى مەكەندەر اراسىنداعى بلوكپوستتار الىنىپ تاستالادى. ءبىراق بۇل ءقاۋىپ جوق دەگەندى بىلدىرمەيدى. ازاماتتارعا سانيتارلىق تالاپتارمەن ساقتىق شارالارىن قاتاڭ ساقتاۋ كەرەك، - دەدى ەرلان تۇرعىمبايەۆ.
