شەتەلدە تۇرىپ جاتقان قانداستارىمىز اقتوبەدە باس قوستى، دەپ حابارلايدى 24.kz سايتىنان.مۇندا II حالىقارالىق «ۇلى مۇرا» بايقاۋى ءوتتى. بۇعان 9 ەلدەن ونەر دەلەگاسياسى كەلدى. فرانسيا، گەرمانيا، جۇڭگو، موڭعوليا جانە رەسەيدەگى قازاق دياسپوراسىنىڭ وكىلدەرى ونەرلەرىن  ورتاعا سالدى. ءان مەن بيدەن شاشۋ شاشىپ، قولونەر بۇيىمدارىنىڭ كورمەسىن ۇيىمداستىردى. ەكى كۇنگە سوزىلعان شارا سوڭىندا شەتەلدەگى قازاقتاردىڭ مادەني مۇراسىن ساقتاپ، ونى دامىتۋعا ۇلەس قوسىپ  جۇرگەن جاندار ماراپاتتالدى. ۇزدىك ونەر كورسەتكەندەرگە «نۇر وتان» حدپ قالالىق  فيليالى  العىس حات تابىس ەتتى. فەستيۆال اقتوبە قالاسىندا  بىلتىر دا وتكەن بولاتىن. قازانعاپ اتىنداعى  بالالار ونەر مەكتەبىنىڭ مۇرىندىق بولۋىمەن بيىل دا ۇيىمداستىرىلىپ وتىر. جەرگىلىكتى تۇرعىندار شەتەلدەگى قولونەر شەبەرلەرىنىڭ تۋىندىلارى قويىلعان كورمەنى تاماشالادى. "دۇنيەجۇزى قازاقتارىنىڭ قاۋىمداستىعى الەمنىڭ 33 ەلىندە ءوزىنىڭ مادەني ورتالىعىمەن قارىم-قاتىناس  جاسايدى، سونىمەن قاتار رەسپۋبليكانىڭ 8 ولبىسى مەن 2 قالاسىندا بولىمشەسى بار. بايقاۋعا قازاق دياسپوراسى كوپ تۇراتىن  جۇڭگو،  موڭعوليا، رەسەي،  وزبەكستان، قىرعىزستان، ەۋروپا ەلدەرىنەن كەلىپ قاتىسىپ وتىر، - دەدى دۇنيەجۇزى قازاقتارى قاۋىمداستىعىنىڭ ءبولىم مەڭگەرۋشىسى بوتاكوز ۋاتقان.

"قازاقپارات"