بقو كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ  ۇكىمىمەن «اتا-اناسىنىڭ قامقورلىعىنسىز قالعان جانە جەتىم بالالارعا ارنالعان №15 وبلىستىق كومەكشى مەكتەپ-ينتەرناتى» مم-نىڭ بۇرىنعى تاربيەشىسى ن. يحسانوۆا ق ر قك-نىڭ 137-بابىنا (كامەلەتكە تولماعان بالانى تاربيەلەۋ ءجونiندەگi مiندەتتەرىن  ورىنداماۋى) سايكەس ءۇش جىل مەرزiمگە مۇعالىمدىك قىزمەتپەن اينالىسۋ قۇقىعىنان ايىرىلىپ، ءبىر جىل مەرزىمگە سوتتالدى.

وبلىستىق پروكۋراتۋرانىڭ باسپا ءسوز قىزمەتىنەن حابارلاعانىنداي، اتالعان قىلمىستىق ءىستى ورال قالاسى ىشكى ىستەر باسقارماسى ۋچاسكەلىك ينسپەكتورى د. مۇقايەۆتىڭ قىلمىستىق ءىس قوزعاۋدان باس تارتۋ تۋرالى قاۋلىسىن  بۇزۋ جولىمەن ورال قالالىق پروكۋراتۋراسى قوزعاعان بولاتىن.

سوتتا انىقتالعانىنداي، ن. يحسانوۆا اتالمىش مەكتەپ-ينتەرناتتا تاربيەشى قىزمەتىن اتقارا ءجۇرىپ، مەكتەپ ءمۇعالىمىنىڭ جوعالعان اقشاسىن تابۋ انىقتاۋ ماقساتىندا وقۋشىنىڭ كەۋدە تۇسىنان شىمشىلاپ، ءجابىر كورسەتكەن. ونىمەن قويماي، سول كۇنى كامەلەتكە تولماعان تاربيەلەنۋشىنىڭ ەكى  قولىن ىستىق ۇتىكپەن كۇيدىرىپ، ەكى بىلەگىنىڭ تەرىسىنە 1-2ء-شى دارەجەلى كۇيىك سالعان. ءجابىر كورگەن ەكى وقۋشى دا اقىل-ويىندا كەمىستىگى بار جانە سويلەۋ قابىلەتى بۇزىلعان بالالار.

ءىس بويىنشا قاتىسقان مەملەكەتتىك ايىپتاۋشى سوتتان ن. يحسانوۆانى ق ر قك 137-بابىمەن ايىپتى دەپ تانىپ، ءۇش جىل مەرزiمگە مۇعالىمدىك قىزمەتپەن اينالىسۋ قۇقىعىنان ايىرىپ، ەكى  جىل مەرزىمگە باس بوستاندىعىن شەكتەۋ جازاسىن تاعايىنداۋدى سۇراعان بولاتىن. 

ەرجان ەرالى

"قازاقپارات"