امەريكا قۇراما شتاتتارىنداعى تولقۋلار كەزىندە سەنت-لۋيس پوليسياسىنىڭ ءتورت قىزمەتكەرىن اتىپ كەتتى. بۇل تۋرالى قامشى ءتىلشىسى New York Post-قا سىلتەمە جاساپ حابارلايدى.
سەنت-لۋيس مەتروپوليتەن پوليسياسىنىڭ حابارلاۋىنشا، سەيسەنبى كۇنى ءتورت وفيسەرگە وق جاۋدىرىلىپ، پوليسەيلەر اۋرۋحاناعا جەتكىزىلگەن.
پوليسيا دەپارتامەنتى "قالا ورتالىعىندا وفيسەرلەرگە ءالى دە وق اتىلۋدا جانە وقيعا تۋرالى تولىق اقپاراتتاردى ءبولىسىپ وتىراتىن بولامىز" دەپ جازدى Twitter پاراقشاسىندا تۇنگى ساعات 2 مولشەرىندە.
ايتا كەتەيىك، دجوردج فويد ەسىمدى قارا ءناسىلدى جىگىتتىڭ پوليسيا قولىنان قازا تابۋىنا بايلانىستى اقش-تا بەيبىت شەرۋدىڭ سوڭى توناۋ مەن زورلىق-زومبىلىققا ۇلاسىپ جاتىر.
پىكىر قالدىرۋ