مينيسترلىك "التىن بەلگىنى" ساتۋ ماسەلەسىن مۇلدەم قۇپتامايدى

/image/2020/06/03/crop-92_7_512x682_5c755cc7abfa7.jpeg

الماتى قالاسى مەكتەپتەرىنىڭ بىرىندە 11 جىل وقىپ، كۋالىگىن العان جاس تۇلەك ءوزىنىڭ "التىن بەلگىسىن" 200 مىڭ تەڭگەگە باعالاپ، OLX-قا ساتۋعا شىعارعان بولاتىن.

قامشى ءتىلشىسى "التىن بەلگىسىن" ساتىلىمعا شىعارعان جاس تۇلەكپەن WhatsApp مەسسەندجەرى ارقىلى ساتىپ الۋشى رەتىندە حات الماسىپ كوردى. 

– "التىن بەلگى" قولىمدا تۇر. بۇگىن عانا الدىم. اقشا كەرەك بولىپ تۇر، ونىڭ ۇستىنە بۇل ءتوس بەلگىنىڭ قاجەتى شامالى. ءبىلىم ادامنىڭ وزىندە بولسا جەتكىلىكتى ەمەس پە؟! نەبارى 30 مينۋتتىڭ ىشىندە ەكى ادام حابارلاسىپ، قىزىعۋشىلىق تانىتتى، باعاسىن 170 000 تەڭگەگە ءتۇسىرىپ بەرە الامىن، – دەدى «التىن بەلگى» يەگەرى.

كەيىننەن Qamshy.kz اقپارات اگەنتتىگى ءبىلىم جانە عىلىم مينيسترلىگىنە رەسمي ساۋال جولداپ، "التىن بەلگىنى" ساتۋ قانشالىقتى زاڭدى ەكەنىن ءبىلدى.

– ءبىز بۇل ماسەلەنى انىقتايمىز. مينيسترلىك "التىن بەلگىنى" ساتۋ ماسەلەسىن مۇلدەم قۇپتامايدى. مۇمكىن بۇل فەيك اقپارات شىعار. مۇنداي جاعداي بۇعان دەيىن بولماعان. "التىن بەلگىنى" تەك ۇزدىكتەردىڭ ۇزدىگى الادى. بۇل بەلگى گرانتقا ءتۇسۋ مۇمكىندىگىنە دە ىقپال ەتەتىنىن وقۋشىلار جاقسى بىلەدى، – دە مالىمدەدى ءبىلىم جانە عىلىم مينيسترلىگىنىڭ باسپا ءسوز قىزمەتى.

قاتىستى تەگتەر :

پىكىر قالدىرۋ

قاتىستى ماقالالار