شىمكەنتتە ورتا مەكتەپ ديرەكتورى پارا الدى دەگەن كۇدىككە ءىلىندى. قازىرگى ۋاقىتتا سىبايلاس جەمقورلىققا قارسى قىزمەت سوتقا دەيىنگى تەرگەۋدى باستادى.
– ول 2020 جىلعى 27 مامىردا اتالعان مەكتەپتىڭ الەۋمەتتانۋشىسىنان ەڭبەكاقىسى تولەنبەيتىن دەمالىسقا جىبەرمەۋ جانە جالاقىسىن اۋدارۋ ءۇشىن 40 000 تەڭگە الۋعا قاتىستى كۇدىككە ءىلىندى، – دەيدى ق ر سىبايلاس جەمقورلىققا قارسى ءىس-قيمىل اگەنتتىگى ءبىرىنشى دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ.
ونىڭ ايتۋىنشا، سوتقا دەيىنگى تەرگەۋ جالعاسۋدا.
– كۇدىكتىنىڭ كىنالىلىك دارەجەسى تۋرالى تۇپكىلىكتى شەشىمدى سوت شىعارادى. ق ر قىلمىستىق-پروسەسسۋالدىق كودەكسىنىڭ 201-بابى اياسىندا وزگە اقپارات تەرگەۋ مۇددەسى ءۇشىن جاريالانبايدى، – دەپ اتاپ ءوتتى تەرگەۋشى.
پىكىر قالدىرۋ