جۋرناليست سەرىك ابىكەن ۇلى الماتى وبلىستىق "جەتىسۋ" تەلەارناسىنىڭ باس ديرەكتورى بولىپ تاعايىندالدى. بۇل تۋرالى الماتى وبلىسى اكىمى باسپا ءسوز قىزمەتىنىڭ جەتەكشىسى عالىمۇرات جۇكەل Facebook پاراقشاسىندا جاريالادى.
"ال، مىنە جاقسى جاڭالىعىم!
سەرىك ابىكەن ۇلى سارىباي "جەتىسۋ" تەلەارناسىنىڭ ديرەكتورى بولىپ تاعايىندالدى.
بەيسەكەڭمەن بىرگە باستاعان ءىستى جالعاستىرىپ، ارنانىڭ دامۋ جولى سەكەڭنىڭ باسشىلىعىمەن جالعاسپاق" دەلىنگەن عالىمۇرات جۇكەلدىڭ جازباسىندا.
سەرىك ابىكەن ۇلى بۇعان دەيىن "جەتىسۋ" تەلەارناسىنىڭ باس ديرەكتورى قىزمەتىن اتقارىپ، جۋىردا ومىردەن وزعان بەلگىلى جۋرناليست بەيسەن قۇرانبەكتىڭ ءبىرىنشى ورىنباسارى بولعان.
سونداي-اق ول «پاراسات» جۋرنالىنىڭ باس رەداكتورى، «الماتى» تەلەارناسى ديرەكتورىنىڭ ءبىرىنشى ورىنباسارى قىزمەتتەرىن اتقارعان.
پىكىر قالدىرۋ