الماتى قالاسىنىڭ اكىمى باقىتجان ساعىنتايەۆ جۇمىس ساپارى كەزىندە المالى اۋدانىنداعى جاڭا تۇرعىن كەشەندەرىن ارالاپ كوردى، قولجەتىمدى الەۋمەتتىك نىساندار سالۋ جونىندەگى جوبانى جۇزەگە اسىرۋ بارىسىمەن تانىستى.

الماتى اكىمى Instagram-داعى پاراقاشاسىندا «Dostar» جانە «ەليف تاۋەرس» كەشەندەرىندە بولعانى تۋرالى جازدى. قۇرىلىسشىلار قالالىق الەۋمەتتىك نىساندار ءۇشىن ءۇي-جاي ءبولىپتى.

– بىرىنشىسىندە بەلسەندى ۇزاق ءومىر ءسۇرۋ ورتالىعىن، ەكىنشىسىندە كىتاپحاناسى، ءتۇرلى ۇيىرمەلەرى، كوۆوركينگ-ايماعى جانە شەبەرلىك-سىنىپتارى بار بالالارعا ارنالعان دامىتۋ ورتالىعىن اشامىز. الەۋمەتتىك جاۋاپكەرشىلىك اياسىندا ديەۆەلوپەرلەر كورشى ۇيلەردىڭ اۋلاسىن جوندەپ، 100 ورىنعا ارنالعان بالاباقشا سالادى. ايتا كەتۋ كەرەك، 108 پاتەرى بار «ەليف تاۋەرس» تك ەكى قاباتتى ەسكى قاڭقالى-قامىستى ەكى ءۇيدىڭ ورنىنا سالىندى، – دەپ حابارلادى ب. ساعىنتايەۆ.

ايتا كەتۋ كەرەك، 108 پاتەرلى «ەليف تاۋەرس» تك قامىستى ەكىقاباتتى ەكى ءۇيدىڭ ورنىنا سالىندى.

قالا اكىمى جۇمىس ساپارى بارىسىندا 7-Eleven الەمدىك شاعىن دۇكەندەر جۇيەسى بويىنشا قۇرىلعان جاڭا فورماتتاعى دۇكەندە دە بولدى. جوبا فرانچايزينگ نەگىزىندە جۇمىس جاساۋدا.

ب. ساعىنتايەۆ جىلدىق قۋاتى 86،3 مىڭ توننا ءونىم شىعارۋعا ارنالعان تازارتىلعان سۇيىق ماي مەن ماي شىعاراتىن كاسىپورىندا بولدى. زاۋىتتا 1068 ادام جۇمىس ىستەيدى.