قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەتتى رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى «2018 جىلعى 24 مامىرداعى قازاقستان رەسپۋبليكاسى زاڭىنىڭ 73-بابى نەگىزىندە 2018 جىلعى 30 شىلدەدەن باستاپ جىلجىمايتىن مۇلىككە قۇقىقتاردى مەملەكەتتىك تىركەۋ بويىنشا فۋنكسيالار ادىلەت ورگاندارىنان "ازاماتتارعا ارنالعان ۇكىمەت» مەملەكەتتىك كورپوراسياسىنا بەرىلدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا شقو ادىلەت دەپارتامەنتى باسشىسىنىڭ ورىنباسارى بەيسەمبەك ال-سەيت ءمالىم ەتتى.
بەيسەمبەك ال-سەيتتىڭ ايتۋىنشا، ادىلەت ورگاندارىندا نورماتيۆتىك-ادىستەمەلىك قامتاماسىز ەتۋ، باقىلاۋ جانە وسى سالادا مەملەكەتتىك ساياساتتى جۇرگىزۋ جونىندەگى فۋنكسيالار ساقتالعان.
- جىلجىمايتىن مۇلىكتى تىركەۋ بويىنشا فۋنكسيانى مەملەكەتتىك كورپوراسياعا بەرۋ: ءبىر جۇيەگە بىرىكتىرۋ ارقىلى راسىمدەردىڭ جالپى سانىنىڭ سانىن قىسقارتۋعا (ءوتىنىشتى قابىلداۋ، قولدىڭ ءتۇپنۇسقالىعىن تەكسەرۋ، تىركەۋ جانە مەنشىكتى تىركەۋ ءۇشىن اقى تولەۋ)، مەنشىكتى تىركەۋگە كەتەتىن ۋاقىتتى قىسقارتۋعا، جىلجىمايتىن مۇلىكتى رەسىمدەۋ جانە تىركەۋ كەزىندە ازاماتتار مەن بيزنەس - قۇرىلىمداردىڭ شىعىندارىن ازايتۋعا، جىلجىمايتىن مۇلىك سالاسىندا بارلىق قولدانىستاعى كاداسترلار شوعىرلاناتىن اقپاراتتىق جۇيەنى قۇرۋعا، جىلجىمايتىن مۇلىكتىڭ تولىق ەلەكتروندىق مۇراعاتىن قۇرۋعا سەپتىگىن تيگىزدى، - دەدى بەيسەمبەك ال-سەيت.
پىكىر قالدىرۋ