الاكول جاعالاۋىندا 175 دەمالىس ورنى بار. سونىڭ ىشىندە 59-ى (34 پايىزى) عانا ءىشىنارا سانيتارلىق-ەپيدەميولوگيالىق شارالاردى جۇرگىزۋدە. ال قالعان 116 دەمالىس ورنى تۋريستەردى قابىلداپ الۋعا ءالى دايىن ەمەس. بۇل تۋرالى شقو ايماقتىق كوممۋنيكاسيالار قىزمەتىندە وتكەن بريفينگ بارىسىندا وبلىستىڭ باس سانيتارلىق دارىگەرىنىڭ ورىنباسارى نۇرلانعازى يبرايەۆ ءمالىم ەتتى.
- 59 دەمالىس ورنىنىڭ 32ء-ى دەزينفەكسيالىق قۇرالدارمەن تولىق قامتاماسىز ەتىلدى. 23 دەمالىس ورنىنداعى اس ىشەتىن ۇستەلدەردىڭ ورتاسىنداعى الەۋمەتتىك اراقاشىقتىق ساقتالدى. 22-دە انتيسەپتيكالىق سانيتايزەرلەر مەن بولمە تۇرعىندارىنىڭ جاتىن ورىندارىنىڭ اراسىنداعى قاشىقتىق ساقتالعان. 12 دەمالىس ورنىندا بايلانىسسىز تەرمومەترلەر ساتىپ الىندى، - دەدى نۇرلانعازى يبرايەۆ.
دەمالىس ورىندارىنىڭ اۋماعىندا ورنالاسقان ويىن جانە ساۋلەتتىك نىسانداردا دەزينفەكسيالاۋ جۇمىستارى ءالى كۇنگە دەيىن جۇرگىزىلگەن جوق. سونىمەن قاتار كەلۋشىلەر اراسىندا ساۋالناما جۇرگىزىپ، سانەپيدەميولوگيالىق قاۋىپسىزدىكتى تۇسىندىرەتىن جاۋاپتى تۇلعالار تاعايىندالعان جوق. وسى باعىتتاعى جۇمىستار 10 ماۋسىمنان كەيىن جۇزەگە اسىرىلماق. نۇرلانعازى يبرايەۆ وسىلاي دەدى.
- جەرگىلىكتى بيلىك وكىلدەرىنىڭ باستاماسىمەن دەمالۋشىلار اراسىنداعى الەۋمەتتىك قاشىقتىقتى ساقتاۋ ماقساتىندا كول جاعالاۋى ماڭىندا بەلگىلەر ورناتىلدى. جوسپارعا سايكەس الاكولدە پروفيلاكتيكالىق دەزينفەكسيالاۋ جۇمىستارىنىڭ ءبىرىنشى كەزەڭى وتكىزىلدى، - دەدى نۇرلانعازى يبرايەۆ.
بريفينگ بارىسىندا نۇرلانعازى يبرايەۆ تۋريستەر مەن دەمالىس ورىندارىنىڭ باسشىلىقتارىنا كۆي-دىڭ الدىن الۋ جۇمىستارىن ءتۇسىندىرۋ ماقساتىندا تۋريستىك اقپاراتتىق ورتالىق پەن سەرۋەندەۋ ايماعىندا لەد ەكراندار ورناتىلاتىنىن اتاپ ءوتتى.
- 7 ماۋسىمداعى دەرەكتەرگە سايكەس الاكولدەگى بىردە-بىر دەمالىس ورنى تۋريستەردى قابىلداپ الۋعا دايىن دەگەن اكتىنى العانى جوق، - دەدى نۇرلانعازى يبرايەۆ.
