تۇركىستان وبلىسىنىڭ تولە بي اۋدانىندا ءبىر توپ وقۋشى تاۋعا شىعىپ، اداسىپ كەتكەن. بۇل تۋرالى ق ر ءىىم تج كوميتەتىنىڭ باسپا ءسوز قىزمەتى حابارلادى.

– تۇركىستان وبلىسى تولە بي اۋدانى بىركولىك اۋىلىنان 5 شاقىرىم جەردە 25 ادام تاۋعا شىققان. ونىڭ ىشىندە 3 ەرەسەك ادام مەن 22 وقۋشى بولدى. كەيىن 9 وقۋشى مەن 1 تاربيەشى تاۋدان ءوز بەتىنشە تۇسكەن، ال 3 وقۋشى اداسىپ كەتكەن. ساعات 22:48-دە تاربيەشى تاۋدان تۇسكەن سوڭ بولعان وقيعا تۋرالى "112" نومىرىنە حابارلاعان، – دەدى كوميتەتتەگىلەر.

ساعات 23:00-دە ىزدەستىرۋ-قۇتقارۋ جۇمىستارى باستالىپ، وعان شىمكەنت قالاسى تجد، تۇركىستان وبلىسى تجد، جەدەل جاردەم بريگادالارى مەن پوليسيا كۇشتەرى – بارلىعى 23 ادام مەن 5 تەحنيكا جۇمىلدىرىلدى.

16 ماۋسىم كۇنى ساعات 00.58-دە شىمكەنت قالاسى تجد جقج ىزدەستىرۋ توبى 2003 جىلى تۋعان ءجاسوسپىرىمنىڭ دەنەسىن ءولى كۇيىندە تاپقان.

سونىمەن قاتار قۇتقارۋشىلار تاۋدا اداسىپ كەتكەن تاعى 2 وقۋشىنى تاپقان.