پاۆلودار وبلىسى اكىمىنىڭ ورىنباسارى اسحات ورالوۆ كوروناۆيرۋس جۇقتىرعانى انىقتالدى. بۇل تۋرالى وبلىس اكىمدىگىنىڭ باسپا ءسوز قىزمەتى حابارلادى.
"پاۆلودار وبلىسى اكىمىنىڭ ورىنباسارى اسحات ورالوۆ كوروناۆيرۋس دياگنوزىمەن اۋرۋحاناعا جەتكىزىلدى. ول دەنە قىزۋىنىڭ كوتەرىلۋىنە بايلانىستى تەست تاپسىرعان ەدى. تەست وڭ ناتيجە كورسەتتى" دەلىنگەن اكىمدىك تاراتقان حابارلامادا.
سونىمەن قاتار ونىمەن بايلانىستا بولعان ادامدار انىقتالىپ، ەپيدەميولوگيالىق تەكسەرۋلەر جۇرگىزىلۋدە. وبلىس اكىمدىگىنىڭ بارلىق قىزمەتكەرلەرى كۆي سىنامالارىن تاپسىردى.
قازىرگى ۋاقىتتا پاۆلوداردا ۆيرۋس جۇقتىرعاندار 59-عا جەتتى.
ايتا كەتەيىك، قازاقستان بويىنشا جالپى كوروناۆيرۋس ىندەتىن جۇقتىرعاندار – 15 192. ونىڭ ىشىندە ەمدەلىپ شىققانى – 9388، قايتىس بولعاندار – 81.
پىكىر قالدىرۋ