دەنساۋلىق ساقتاۋ ۆيسە-مينيسترى ۋاقىتشا دەنساۋلىق ساقتاۋ ءمينيسترى ەلجان ءبىرتانوۆتىڭ مىندەتىن اتقاراتىن بولادى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ مالىمدەدى.

– دەنساۋلىق ساقتاۋ ءمينيسترىنىڭ مىندەتتەرىن ۋاقىتشا ۆيسە-مينيستر لياززات اقتايەۆا اتقارادى، – دەدى احمەتشارىپ.

ونىڭ ايتۋىنشا ءبىرتانوۆ اۋرۋحانادا جۇمىسىن قاشىقتان جۇرگىزىپ، شتاب قىزمەتىن رەتتەپ وتىر. 

– دەنساۋلىق ساقتاۋ ءمينيسترى ەلجان امانتاي ۇلى ءبىرتانوۆ كوروناۆيرۋس ينفەكسياسىن جۇقتىرىپ، «پنيەۆمونيا» دياگنوزىمەن اۋرۋحاناعا جاتقىزىلدى. ەكى كۇن بولدى. دارىگەرلەر ونىڭ دەنساۋلىق جاعدايىن ورتاشا دەپ باعالاپ وتىر. جالپى ەلجان امانتاي ۇلى كلينيكالىق حاتتاماعا ساي ەم-دومىن قابىلداۋدا. اعزاسى ۆيرۋسقا قارسى تەراپيانى جاقسى كوتەرۋدە. ەمىن قابىلداعاننان كەيىن، جازىلىپ، ءوز جۇمىسىنا كىرىسەدى دەگەن ويدامىز، – دەدى د. احمەتشارىپ.

ەسكە سالا كەتەيىك، 14 ماۋسىمدا ەلجان ءبىرتانوۆتىڭ كوروناۆيرۋس جۇقتىرعانى حابارلانعان.