ءۇندىستان بيلىگى داۋلى كاشمير ايماعىنداعى لاداح ەلدى مەكەنىندە قىتايلىق كۇشتەرمەن قاقتىعىستا كەمىندە 20 ءۇندىستاندىق قازا تاپقانىن مالىمدەدى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.
بۇل 45 جىلدان بەرگى ەكى ەل اراسىنداعى قاقتىعىس سالدارىنان بولعان العاشقى ءولىم-جىتىم.
ءۇندى ارمياسى باستاپقىدا ءۇش ساربازى ولتىرىلگەنىن ايتىپ، ەكى جاق تا شىعىنعا ۇشىراعانىن جەتكىزگەن. ءبىراق كەيىنىرەك شەنەۋنىكتەر بىرنەشە جاراقاتتانعان سارباز العان جاراقاتىنان قايتىس بولعانىن مالىمدەدى.
ءۇندىستاننىڭ سىرتقى ىستەر مينيسترلىگى قىتايدى "گالۆان القابىندا ناقتى باقىلاۋ سىزىعىن (LAC) قۇرمەتتەۋ ءۇشىن وتكەن اپتادا جاسالعان كەلىسىمدى بۇزدى" دەپ ايىپتادى.
"قىزمەتتىك مىندەتتە اۋىر جاراقات العان 17 ءۇندى اسكەرى جاراقاتتان قازا تاۋىپ، قاقتىعىس سالدارىنان كوز جۇمعانداردىڭ بارلىعى 20-عا جەتتى" دەلىنگەن ءۇندىستاندىق تاراپ مالىمدەمەسىندە.
جۇڭگو زارداپ شەككەندەردى راستامادى، ءبىراق ءۇندىستاندى "جۇڭگو شەكاراسىن بۇزىپ كىردى" دەپ ايىپتاعان.
پىكىر قالدىرۋ