بۇعان دەيىن Ratel.kz سايتى ەلدىڭ باس پروكۋراتۋراسى جوعارعى سوتقا كاسساسيالىق شاعىم ءتۇسىرىپ، بەرگەي رىسقالييەۆ پەن ونىڭ اعاسى امانجان رىسقالييەۆكە شىققان ۇكىمدى قايتا قاراۋدى سۇراعانىن جازعان.

"باس پروكۋراتۋرا رىسقالييەۆتەر مەملەكەت مۇلكىن قىلمىستىق جولمەن تالان-تاراجعا سالعانى ءۇشىن ولاردىڭ مۇلكى زاڭدى تۇردە تاركىلەندى. بۇعان قوسا، تاركىلەۋ كەزىندە ولاردىڭ ايەلدەرى مەن تۋىسقاندارى زارداپ شەگىپ، مۇلكىنەن زاڭسىز ايىرىلعان دەپ سانايدى" دەپ جازدى Ratel.kz سايتى.

ازاتتىق راديوسىنا پىكىر بەرگەن جوعارعى سوتتىڭ باسپا ءسوز حاتشىسى ايدوس ءسادۋاقاسوۆ باس پروكۋراتۋرانىڭ شاعىمىمەن جوعارعى سوت كەلىسكەنىن راستادى.

– 16 ماۋسىم كۇنى باس پروكۋراتۋرانىڭ كاسساسيالىق شاعىمىن جوعارعى سوتتىڭ قىلمىستىق ىستەر جونىندەگى القاسى قاراپ، تولىق كولەمدە قاناعاتتاندىردى. سوت اكتىسى ءالى دايىندالىپ جاتىر. پروسەستىك زاڭناما بويىنشا سوت اكتىسى 5 كۇن ىشىندە ازىرلەنەدى. سوت اكتىسى سوت كابينەتى سەرۆيسىنە سالىنادى. سول جەردەن تانىسۋعا بولادى، –  دەدى ول.

بەرگەي رىسقالييەۆ 2006-2012 جىلدارى اتىراۋ قالاسى مەن اتىراۋ وبلىسىنىڭ اكىمى قىزمەتىن اتقارعان. 2013 جىلى ەكس-اكىمگە "اسا ءىرى كولەمدەگى بيۋدجەت قارجىسىن جىمقىردى جانە جانە قىلمىستىق توپ قۇردى" دەگەن ايىپ تاعىلعان. تەرگەۋ بەس جىلعا جالعاستى. 2019 جىلى قازاقستان سوتى بەرگەي رىسقالييەۆتى 17 جىلعا، ونىڭ اعاسى ارمانجان رىسقالييەۆتى 16 جىلعا سىرتتاي سوتتاعان. ولاردىڭ قۇنى ميللياردتاعان تەڭگە تۇراتىن دۇنيە-مۇلكىن تاركىلەگەن.