اقپارات جانە قوعامدىق دامۋ ءمينيسترى ميتينگكە قاتىساتىن جۋرناليستەرگە ۇسىنىلاتىن كيىمدەر مەن جاڭا قاعيدالاردىڭ جوباسىن قوعامدىق تالقىلاۋعا شىعاردى. 

بەكىتىلگەن قاعيدالاردى تالقىلاۋ ءۇشىن وسى سىلتەمەگە ءوتىڭىز.

پىكىر قالدىرۋ

ۇسىنىلعان قاعيدالار جوباسى تومەندەگىدەي:

 "بەيبىت جينالىستاردا بولاتىن جۋرناليست (بۇقارالىق اقپارات  قۇرالى وكىلى) قىزمەتىنىڭ قاعيدالارى.

1-تاراۋ. جالپى ەرەجەلەر

1. وسى بەيبىت جينالىستاردا بولاتىن جۋرناليست (بۇقارالىق اقپارات قۇرالى وكiلi) قىزمەتىنىڭ قاعيدالارى (بۇدان ءارى – قاعيدالار) «بۇقارالىق اقپارات قۇرالدارى تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ)  4-3-بابى 13-4) تارماقشاسىنا سايكەس ازىرلەندى  جانە بەيبىت جينالىستاردا بولاتىن ءجۋرناليستتىڭ (بۇقارالىق اقپارات قۇرالى وكiلiءنىڭ) (بۇدان ءارى – جۋرناليست) قىزمەت ءتارتىبىن ايقىندايدى.

2. جۋرناليست بەيبىت جينالىستاردا بۇقارالىق اقپارات قۇرالى ءۇشىن حابارلامالار مەن ماتەريالدار جيناۋ، ولاردى وڭدەۋ جانە ازىرلەۋ بويىنشا  ءوز قىزمەتىن جۇزەگە اسىرا وتىرىپ، قازاقستان رەسپۋبليكاسىنىڭ زاڭدارىندا كوزدەلگەن قۇقىقتارعا يە بولادى جانە مىندەتتەردى اتقارادى.

2-تاراۋ. بەيبىت جينالىستاردا بولاتىن ءجۋرناليستتىڭ قىزمەت ءتارتىبى

3. بەيبىت جينالىستاردا بۇقارالىق اقپارات قۇرالى ءۇشىن حابارلامالار مەن ماتەريالدار جيناۋ، ولاردى وڭدەۋ جانە ازىرلەۋ بويىنشا ءوز قىزمەتىن جۇزەگە اسىرۋ كەزىندە ءجۋرناليستتىڭ وزىمەن بىرگە جۋرناليست كۋالىگى بولادى، سونداي-اق ول زاڭنىڭ 4-3 بابىنىڭ 13-4) تارماقشاسىنا سايكەس بەكىتىلگەن نىسانى بويىنشا ءبىر نەمەسە بىرنەشە ايىرىم بەلگىلەرىن تاعۋدى جۇزەگە اسىرادى.

4. ءجۋرناليستتىڭ كاسىبي قىزمەتىن قامتاماسىز ەتۋ ءۇشىن (سۇحبات الۋ، بريفينگتەر) مىناداي جاعدايلاردا جەرگىلىكتى اتقارۋشى ورگان جۋرناليستتەردى بۇقارالىق اقپارات قۇرالدارى ءۇشىن جەدەل باسپا ءسوز ورتالىعىمەن قامتاماسىز ەتۋ بويىنشا شارالار قابىلدايدى.

1) ەگەر بەيبىت جينالىستار وتكىزۋ تۋرالى حابارلامادا نەمەسە كەلىسۋدى الۋ تۋرالى وتىنىشتە مالىمدەلگەن بەيبىت جينالىسقا قاتىسۋشىلاردىڭ بولجالدى سانى 200 ادامنان اسسا؛

2) بۇقارالىق اقپارات قۇرالدارىنىڭ جەرگىلىكتى اتقارۋشى ورگانعا جىبەرەتىن سۇراۋ سالۋى بويىنشا.

بۇقارالىق اقپارات قۇرالدارىنىڭ سۇراۋ سالۋى بەيبىت جينالىس وتكىزىلەتىن كۇنىنە دەيىن ءبىر جۇمىس كۇنىنەن كەشىكتىرىلمەيتىن مەرزىمدە جۋرناليستتەردىڭ سانىن كورسەتە وتىرىپ، ەركىن نىساندا جىبەرىلەدى.

5. جەدەل باسپا ءسوز ورتالىعى مىناداي شارتتارعا ساي كەلەتىن ورىن بولىپ تابىلادى:

1) لەنتامەن شەكتەۋ؛

2) فوتو-، بەينەتۇسىرىلىم جاساۋ جانە سۇحبات الۋ ءۇشىن جەتكىلىكتى كورىنۋدى قامتاماسىز ەتۋ؛

3) ەلەكترمەن جابدىقتاۋدى قامتاماسىز ەتۋ؛

4) جۋرناليستتەردىڭ قاۋىپسىزدىگىن قامتاماسىز ەتۋ ءۇشىن جەدەل باسپا ءسوز ورتالىعىندا ىشكى ىستەر ورگاندارىنىڭ كەمىندە ءبىر قىزمەتكەرىن بەكىتۋ. 

6. جۋرناليست بەيبىت جينالىستاردا بۇقارالىق اقپارات قۇرالى ءۇشىن حابارلامالار مەن ماتەريالداردى جيناۋ، ولاردى وڭدەۋ جانە ازىرلەۋ بويىنشا ءوز قىزمەتىن جەدەل باسپا ءسوز ورتالىعىنىڭ اۋماعىندا دا، ودان تىس جەرلەردە دە جۇزەگە اسىرادى.

7. جەرگىلىكتى اتقارۋشى ورگان بەيبىت جينالىستى وتكىزۋ كەزىندە ءوز وكىلىنىڭ (بۇدان ءارى – وكىل) قاتىسۋىن قامتاماسىز ەتەدى.

8. وكىل مىناداي فۋنكسيالاردى جۇزەگە اسىرادى:

1) جۋرناليستتەردىڭ ءوتىنىشى بويىنشا ولاردى جەدەل باسپا ءسوز ورتالىعىنا الىپ بارادى؛

2) جۋرناليستتەردىڭ قاۋىپسىزدىگىن قامتاماسىز ەتۋگە باعىتتالعان شارالاردى تۇسىندىرەدى؛

3) جۋرناليستتەرگە بەيبىت جينالىستىڭ ۇيىمداستىرۋشىلارى مەن قاتىسۋشىلارىنان سۇحبات، تۇسىنىكتەمە الۋعا جاردەمدەسەدى؛

4) بەيبىت جينالىستا كوتەرىلگەن ماسەلەلەر بويىنشا انىق اقپارات الۋ ءۇشىن مەملەكەتتىك ورگانداردىڭ بۇقارالىق اقپارات قۇرالدارىمەن ءوزارا ءىس-قيمىل جاساۋ جونىندەگى ۋاكىلەتتى تۇلعاسىنىڭ (بولىمشەسىنىڭ) بايلانىس دەرەكتەرىن بەرەدى.

9. جۋرناليستتەرگە كاسىبي قىزمەتىن جۇزەگە اسىرۋعا كەدەرگى كەلتىرەتىن ادامدار قازاقستان رەسپۋبليكاسىنىڭ زاڭدارىندا كوزدەلگەن جاۋاپتىلىقتا بولادى.