الماتى وبلىسى ۇيعىر اۋدانىندا "جاسوسپىرىمدەر اراسىندا قاقتىعىس بولىپ، بەس ادام جاراقاتتاندى" دەگەن بەيرەسمي اقپارات تارادى. رەسمي ورگاندار مەن جەرگىلىكتى بيلىك بۇل اقپاراتقا قاتىستى ەشقانداي مالىمەت بەرگەن جوق.
الەۋمەتتىك جەلىدە تاراعان اقپاراتقا جانە سول اۋداندا تۇراتىن تۇرعىنداردىڭ سوزىنە قاراعاندا قاقتىعىستىڭ ەتنيكالىق سيپاتى بار. ياعني، قاقتىعىس قازاق-ۇيعىر جاستارىنىڭ اراسىندا بولعان. قاقتىعىس كەزىندە بەس ادام پىشاقتالىپ، ءقازىر اۋداندىق اۋرۋحانادا جاتىر. ولاردىڭ ۇشەۋىنىڭ ۇلتى قازاق، ەكەۋىنىكى ۇيعىر.
قولداعى بار مالىمەتكە ساي، الماتى وبلىسىنىڭ اكىمى اماندىق باتالوۆ اۋدانعا ارنايى بارىپ، وسى وقيعاعا بايلانىستى شۇعىل جينالىس وتكىزىپ جاتىر.
قامشى ءتىلشىسى وقيعانىڭ جاي-جاپسارىن ءبىلۋ ماقساتىندا ۇيعىر اۋدانىنا اتتاندى.
پىكىر قالدىرۋ