قازاقستان-قىتاي شەكاراسىندا كولىكتەر توپتالىپ قالعان. مەملەكەتتىك كىرىستەر كوميتەتىنىڭ پىكىرىنشە بۇل كورشى ەلدە پاندەمياعا قارسى كۇشەيتىلگەن شارالاردىڭ ناتيجەسى.
"قازىرگى ۋاقىتتا قازاقستان-قىتاي شەكاراسىندا ورنالاسقان «نۇر جولى» وتكىزۋ پۋنكتىندە قازاقستان رەسپۋبليكاسىنان قىتايعا شىعۋ ءۇشىن اۆتوكولىكتەردىڭ توپتالۋى بايقالۋدا.
بۇل توپتالۋ جۇڭگو تاراپىنداعى سانيتارلىق شارالاردىڭ كۇشەيۋىنە بايلانىستى. COVID-19 پاندەمياسىنا دەيىن جۇڭگو تاراپى كۇنىنە 150-گە جۋىق اۆتوكولىك قۇرالدارىن قابىلدادى، پاندەميا باستالعاننان باستاپ كۇنىنە 20-عا جۋىق اۆتوكولىك قۇرالى وتكىزىلدى.
وسى ماسەلەنى شەشۋ ءۇشىن قازىرگى ۋاقىتتا جۇڭگو تاراپىمەن ءبىرقاتار كەلىسسوز جۇرگىزىلدى، سونىڭ ارقاسىندا جۇڭگو تاراپى بۇگىندە كۇنىنە 80-گە جۋىق اۆتوكولىك قۇرالىن قابىلدايدى.
بۇدان باسقا، قازاقستان رەسپۋبليكاسى ۇكىمەتىنىڭ شەشىمىمەن اعىمداعى جىلعى 10 ماۋسىمنان باستاپ قازاقستان-قىتاي شەكاراسىندا ەپيدەميولوگيالىق جاعدايدىڭ ناشارلاۋىنا بايلانىستى بۇرىن جابىلعان «قالجات»، «باقتى» جانە «مايقاپشاعاي» وتكىزۋ پۋنكتتەرى اشىلدى.
بۇل "نۇر جولى" وتكىزۋ بەكەتىندە اۆتوكولىكتىڭ توپتالۋىن ازايتۋعا مۇمكىندىك بەرەدى. "نۇر جولى" وتكىزۋ پۋنكتىندە قىتايعا ەكسپورتقا وتاندىق ءونىمدى تاسىمالدايتىن اۆتوكولىك قۇرالدارى ءۇشىن «جاسىل ءدالىز» قۇرىلعانىن جانە مۇنداي كولىكتى وتكىزۋ كەزەكتەن تىس جۇزەگە اسىرىلاتىنىن اتاپ ءوتۋ قاجەت.
وتكىزۋ پۋنكتتەرىنىڭ وتكىزۋ قابىلەتىن ارتتىرۋ بويىنشا جۇڭگو تاراپىمەن جۇمىس جالعاسۋدا. سونىمەن قاتار، بۇگىنگى تاڭدا بوس كولىكتىڭ قىتايعا كىرۋ جانە تاسىمالداۋ شارتتارىنىڭ بولماۋى سەبەبى بويىنشا سونداي-اق كەرى بوس قايتارۋ فاكتىلەرى ورىن الۋدا.
مۇنداي وتكىزۋ شەكارادا كولىكتەردىڭ قوسىمشا توپتالۋىن قۇرايدى. وسىعان بايلانىستى، كولىك كومپانيالارىنىڭ نازارىن قىتايدان جۇك تاسىمالداۋعا تاۋارلاردى جونەلتۋشىلەرمەن نەمەسە الۋشىلارمەن ۋاقىتىلى شارتتار جاساسۋ قاجەتتىگىنە اۋدارامىز" دەلىنگەن مالىمدەمەدە.
پىكىر قالدىرۋ