ق ر پرەمەر-مينيسترى اسقار مامين كورونوۆيرۋس ينفەكسياcىن دياگنوستيكالاۋ حاتتاماسىنا سايكەس، قاجەتتى مەرزىم اياقتالۋىنا بايلانىستى ءوزىن-وزى وقشاۋلاۋ رەجيمىنەن شىقتى. COVID-19-عا جاسالعان اقىرعى تالداۋ ناتيجەسى تەرىس قورىتىندى بەردى. بۇل تۋرالى پرەمەر-مينيستردىڭ كەڭەسشىسى، باسپا ءسوز حاتشىسى سادىق اكەجانوۆقا حابارلادى.

سونداي-اق بۇعان دەيىن ءوزىن-وزى وقشاۋلاعان ءبىلىم بەرۋ ءمينيسترى اسحات ايماعامبەتوۆ، اۋىل شارۋاشىلىعى ءمينيسترى ساپارحان وماروۆ، ەكولوگيا، گەولوگيا جانە تابيعي رەسۋرستار ءمينيسترى م. مىرزاعالييەۆ وسىنداي پروسەدۋرادان ءوتتى. بارلىعىنان COVID-19-عا تەرىس ناتيجە شىقتى.

وسىعان بايلانىستى ۇكىمەت باسشىسى مەن مينيسترلەر جۇمىس كەستەسىن شتاتتىق رەجيمدە جالعاستىرادى. قازىرگى ۋاقىتتا ۇكىمەت وتىرىستارى مەن بارلىق كەڭەستەر سەلەكتورلىق رەجيمدە وتۋدە. ۇكىمەت پەن مينيسترلىكتەر ءۇيىنىڭ عيماراتتارىندا سانيتارلىق ءتارتىپ كۇشەيتىلدى، قاۋىپسىزدىك شارالارى قاتاڭداتىلدى، قىزمەتكەرلەردىڭ 80%-ى قاشىقتان جۇمىس ىستەۋگە كوشتى.