الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىنە سايكەس، «كومپانيا «دوستار-كوممەرس» ج ش س (كوك بازار) 620 اەك (1 722 360 تگ) كولەمىندە ايىپپۇل سالىنىپ، قىزمەتى 1 ايعا توقتاتىلدى.

الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتتەرى بويىنشا 3 ماۋسىمنان بەرى COVID-19 جۇقتىرۋ دەڭگەيى ارتقان.وسىعان بايلانىستى، كوروناۆيرۋس ينفەكسياسىنىڭ تارالۋىن بولدىرماۋ جانە قالاداعى سانيتارلىق-ەپيدەميولوگيالىق جاعدايدى تۇراقتاندىرۋ بويىنشا جان-جاقتى شارالار قابىلدانۋدا.

– ماۋسىم ايىندا ازاماتتاردىڭ وزدەرىنىڭ جۇگىنۋ جانە ۇيىمدار اراسىندا وشاقتاردىڭ پايدا بولۋى ەسەبىنەن اۋرۋ دەڭگەيىنىڭ وسكەنى بايقالادى. سەس تالاپتارىنىڭ بۇزۋىنا بايلانىستى كوك بازار دا «راحات» كونديتەرلىك فابريكاسى سياقتى جابىلىپ، ايىپپۇل سالىندى. ءبىزدىڭ قازىرگى مىندەتىمىز، ۇيىمداردىڭ وزدەرى بۇگىنگى تاڭدا ازاماتتاردىڭ دەنساۋلىعى قىمبات ەكەنىن تۇسىنۋىلەرى ءۇشىن شارالار قابىلداۋ، — دەپ اتاپ ءوتتى الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – الماتى قالاسىنىڭ باس مەملەكەتتىك سانيتار دارىگەرى جانداربەك بەكشين وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگ بارىسىندا.

«راحات» اق كونديتەرلىك فابريكاسى قىزمەتكەرلەرىنىڭ اراسىندا COVID-19 وڭ ناتيجەلەرىنىڭ تىركەلۋىنە بايلانىستى فابريكا ءوز قىزمەتىن 24 ماۋسىمعا دەيىن ءوز ەركىمەن توقتاتتى.

ەسكە سالا كەتەيىك، اعىمداعى جىلدىڭ 21 مامىرىندا باس مەملەكەتتىك سانيتار دارىگەردىڭ باسشىلىعىمەن كاسىپكەرلىك سۋبەكتىلەرىنىڭ سانيتارلىق نورمالاردى ساقتاۋىن باقىلاۋ بويىنشا مونيتورينتىك توپتاردىڭ جۇمىسى بارىسىندا كوك بازار اۋماعىندا جۇمىسشىلار مەن ساتۋشىلار ءۇشىن بايلانىسسىز تەرمومەتريانىڭ بولماۋى سىندى بۇزۋشىلىقتار انىقتالدى.

كەلۋشىلەردىڭ الەۋمەتتىك قاشىقتىق ساقتاۋى ءۇشىن ارنايى بەلگىلەر ورناتىلماعان. انىقتالعان ءتارتىپبۇزۋشىلىقتار بويىنشا بازاردىڭ باسشىلىعىنا ولاردى جويۋ ۇسىنىسى جاسالدى. الايدا كورسەتىلگەن ءتارتىپبۇزۋشىلىقتار جويىلماعاندىعى اعىمداعى جىلدىڭ 12 ماۋسىمىندا قايتا جۇرگىزىلگەن تەكسەرۋ بارىسىندا انىقتالدى.

بۇدان بولەك، «كومپانيا دوستار-كوممەرس» بازارىنىڭ قىزمەتكەرلەرى اراسىندا كوروناۆيرۋس ينفەكسياسىن جۇقتىرۋدىڭ 20 وقيعاسى تىركەلۋىنە جانە 1 ادام ءولىمىنىڭ تاركەلۋىنە بايلانىستى ق ر كاسىپكەرلىك كودەكسىنىڭ 144-بابىنىڭ 6 تارماعىنا سايكەس جوسپاردان تىس تەكسەرۋ جۇرگىزىلدى.

جوسپاردان تىس تەكسەرۋ ناتيجەسى بويىنشا جۇمىسشىلار مەن ساتۋشىلار ءۇشىن بايلانىسسىز تەرمومەتريانىڭ جوقتىعى، 1 مەترلىك الەۋمەتتىك قاشىقتىقتىڭ ساقتالماۋى، بەلگىلەردىڭ جوقتىعى، جەكە قورعانىس قۇرالداىن دۇرىس پايدالانباۋ، ساپاسىز دەزينفەكسيالىق قۇرالداردى پايدالانۋ، نىساننىڭ جۇمىسى ءۇشىن رۇقسات ەتىلگەن رەجيمنىڭ ساقتالماۋى بويىنشا بۇزۋشىلىقتار انىقتالدى.