بىشكەكتىڭ پەرۆوماي اۋداندىق سوتىندا كريمينال اۆتوريتەت ازيز باتۋكايەۆتى زاڭسىز بوساتۋ تۋرالى ىسكە قاتىستى سوت ۇكىمى شىعىپ، قىرعىزستاننىڭ ەكس-پرەزيدەنتى المازبەك اتامبايەۆتى 11 جىل 2 ايعا سوتتادى. بۇل تۋرالى اكيpress حابارلادى.
بۇنىڭ الدىندا المازبەك اتامبايەۆ سوتتا سوڭعى ءسوز سويلەۋدەن باس تارتقان بولاتىن. كەيىننەن پروكۋرورلار ونىڭ مۇلكىن تاركىلەپ، 15 جىلعا باس بوستاندىعىنان ايىرۋ جازاسىن تاعايىنداۋدى سۇراعان.
سوت المازبەك اتامبايەۆتىڭ مۇلكىن تاركىلەپ، 11 جىل 2 ايعا باس بوستاندىعىنان ايىردى.
ەسكە سالا كەتەيىك، 2019 جىلى رەسەيدىڭ ىشكى ىستەر مينيسترلىگى بۇل فاكت بويىنشا تەرگەۋ امالدارىن قايتا باستاعان. ءقازىر ءىس سوتتا قارالىپ جاتىر. ونى زاڭسىز بوساتۋ بويىنشا ىستە المازبەك اتامبايەۆتان بولەك، بۇرىنعى باس پروكۋرور ينديرا جولدىبايەۆا، قىلمىستىق اتقارۋ مەملەكەتتىك قىزمەتى ءتوراعاسىنىڭ بۇرىنعى كەڭەسشىسى كالىبەك كاچكىنالييەۆ، گەماتولوگيا ورتالىعىنىڭ بۇرىنعى ديرەكتورى ابدۋحاليك رايىمجانوۆ بار. بۇل ءىس بويىنشا وزگە دە بۇرىنعى جوعارى لاۋازىمدى تۇلعالار ايىپتالعان.
پىكىر قالدىرۋ