حالىق كوروناۆيرۋس جوق دەگەن جالعان سوزگە سەنەدى. 

بيىلعى جىلدىڭ ناۋرىز ايىندا كوروناۆيرۋس ىندەتى جەتىپ، تارالا باستاۋىنا بايلانىستى ەلىمىزدە دەر كەزىندە توتەنشە جاعداي جاريالاندى. شەكتەۋ شارالارى ەنگىزىلدى. الايدا شەكتەۋلەردىڭ باسەڭدەتىلىپ نەمەسە الىنىپ تاستالۋىمەن تۇرعىندار ەركىنسىپ، توي-ساداقاعا، تەڭىز جاعالاۋىنا توپتالىپ بارۋى قايتا قالىپقا ءتۇستى.

ەڭ سوراقىسى، كوزگە كورىنبەيتىن بولعان سوڭ بۇل اۋرۋ مەندە جوق دەگەن جالعان سەزىمگە بوي الدىردى ازاماتتار. ءقازىر بىر-بىرىمىزگە جۇقتىرۋ پروسەسى وتە تەز جۇرۋدە، دەيدى ايلاربەك شىرشىقبايەۆ.

- جاعداي ءقازىر قيىن. قىزۋلاعاندار، اۋا جەتپەيتىن سەزىم پايدا بولعاندار، اۋىرعاندار وتە كوبەيىپ كەتتى. سوندىقتان، حالىققا ايتارىمىز - مۇمكىندىگىنشە جەكە باسىڭىزدىڭ ساقتىعىن ويلاستىرىڭىزدار. كوپشىلىك جەرگە بارماڭىزدار. قولدارىڭىزدى ءجيى جۋىڭىزدار. بەتپەردەنى ۇنەمى كيىپ جۇرىڭىزدەر. «اۋىرىپ ەم ىزدەگەنشە، اۋىرماۋدىڭ جولىن ىزدەڭىزدەر، - دەيدى ول.

بريفينگ سوڭىندا قازىرگى ۋاقىتتا قولدانىستا جۇرگەن 48 جەدەل-جاردەم كولىگىنە قوسىمشا تاعى 52 ماشينانى تامىز ايىندا دەيىن ليزينگكە ساتىپ الۋ جوسپارلانىپ وتىرعانى ايتىلدى. بۇدان سوڭ ماڭعىستاۋدا جەدەل-جاردەم كولىگىنىڭ تاپشىلىعى جويىلۋى ءتيىس.