الەۋمەتتىك جەلىدە شىمكەنتتىك پوليسەيلەردىڭ تويدا جۇرگەن ۆيدەوسى جاريالانىپ، قىزۋ تالقىلانۋدا.
توي 12 ماۋسىم كۇنى تۇركىستان وبلىسى تولە بي اۋدانىنداعى دەمالىس ايماعىنىڭ بىرىندە وتكەنى انىقتالدى.
"اتالعان فاكتى بويىنشا قىزمەتتىك تەرگەۋ جۇرگىزىلدى. تەكسەرۋ بارىسىندا توي 12 ماۋسىم كۇنى تۇركىستان وبلىسى تولە بي اۋدانىنداعى دەمالىس ايماعىندا كارانتين كەزىندە ۇيىمداستىرىلعانى بەلگىلى بولدى. سالتاناتتى ءىس-شاراعا شىمكەنت قالاسى پوليسيا دەپارتامەنتىندە جۇمىس ىستەپ جۇرگەن قىزمەتكەرلەرىنىڭ ءبىرى، سونداي-اق وقۋ ورتالىعىنىڭ جانە وڭىرلىك ارنايى مامانداندىرىلعان كۇزەت باسقارماسىنىڭ باستىقتارى قاتىسقان. تويعا قاتىسقان بارلىق لاۋازىمدى تۇلعالار مەملەكەتتىك قىزمەتشىنىڭ ەتيكالىق كودەكسىن بۇزعانى ءۇشىن تارتىپتىك جاۋاپكەرشىلىككە تارتىلدى" دەلىنگەن حابارلامادا.
توي وتكىزگەن دەمالىس ايماعىنا اكىمشىلىك حاتتاما تولتىرىلىپ، ءتيىستى ايىپپۇل سالىنعان.
"سانيتارلىق دارىگەرلەر دەمالىس ايماعىنىڭ اكىمشىلىگىنە قاتىستى اكىمشىلىك قۇقىق بۇزۋشىلىق تۋرالى كودەكسىنىڭ 462-بابى 3-بولىگى بويىنشا اكىمشىلىك حاتتاما تولتىردى. جينالعان ماتەريالدار قاجەت شەشىم قابىلداۋ ءۇشىن تولە بي اۋداندىق سوتىنا جىبەرىلدى" دەدى وبلىستىق پوليسيا دەپارتامەنتى.
پىكىر قالدىرۋ