مەملەكەت باسشىسى قاسىم-جومارت توقايەۆ كەڭەس-گەرمان سوعىسىنداعى جەڭىستىڭ 75 جىلدىعىنا وراي ماسكەۋدە، قىزىل الاڭدا وتكەن اسكەري پارادقا قاتىسىپ، "بەلگىسىز سولدات" قابىرىنە گۇل شوعىن قويدى. بۇل تۋرالى اقوردا سايتى حابارلادى.
رەسەي فەدەراسياسىنىڭ پرەزيدەنتى ۆلاديمير ءپۋتيننىڭ باستاماسىمەن مەملەكەت باسشىلارى جانە ۇكىمەت جەتەكشىلەرى دەڭگەيىندە وتكەن سالتاناتتى شاراعا قاسىم-جومارت توقايەۆپەن قاتار، بەلارۋس پرەزيدەنتى الەكساندر لۋكاشەنكو، مولدوۆا پرەزيدەنتى يگور دودون، سەربيا پرەزيدەنتى الەكساندر ۆۋچيچ، تاجىكستان پرەزيدەنتى ەمومالي راحمون، وزبەكستان پرەزيدەنتى شاۆكات ميرزيويەۆ، سەربتەردەن بوسنيا جانە گەرسەگوۆينا پرەزيديۋمىنىڭ ءتوراعاسى ميلوراد دوديك، سونداي-اق، ءبىرقاتار حالىقارالىق ۇيىمداردىڭ باسشىلارى قاتىستى.
سالتاناتتى شەرۋدە 13 مىڭنان استام اسكەري قىزمەتشى، 216 اسكەري تەحنيكا جانە ءارتۇرلى 75 اسكەري ۇشۋ اپپاراتى ساپ تۇزەدى.
قىزىل الاڭنان 53 جاياۋ اسكەر كولونناسى، تمد ەلدەرى جانە باسقا دا شەت مەملەكەتتەردىڭ قارۋلى كۇشتەرىنەن قۇرالعان 13 توپ سالتاناتتى تۇردە ساپ قۇراپ ءوتتى. اتالعان شاراعا قازاقستان رەسپۋبليكاسىنىڭ اتىنان دەسانتتىق شابۋىلداۋشى اسكەري ءبولىمىنىڭ 55 ساربازى قاتىستى.
