وتكەن اپتادا اۋرۋحاناعا جاتقىزىلعاندار مەن جەدەل جاردەم شاقىرۋشىلاردىڭ سانى 2 ەسە ارتقان. الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ نۇر-سۇلتاندا وتكەن بريفينگتە قالادا كوروناۆيرۋس ىندەتىنە بايلانىس جاعدايدىڭ اۋىر ەكەنىن  ايتتى.

– الماتىدا كوروناۆيرۋسقا بايلانىستى جاعداي اۋىر. ءبىراق ونى باقىلاۋدا ۇستاۋعا بولادى. الماتىدا مەديسينالىق كومەك كورسەتۋ بويىنشا اۋقىمدى جۇمىس جۇرگىزىلىپ جاتىر. ياعني ستاسيونارلاردا جانە ەمحانا دەڭگەيىندە قاجەت كومەك كورسەتىلىپ جاتىر. ءبىز اۋرۋ بويىنشا ۇنەمى تالداۋ جۇرگىزىپ وتىرمىز. اۋرۋدى كوبىنەسە 20-29 جاس ارالىعىنداعى ادامدار جۇقتىرىپ جاتىر. ولاردىڭ ۇلەسى – 35 پايىز. ال 60 جاستان اسقاندار اۋرۋدى 4 ەسە سيرەك جۇقتىرادى. ولاردىڭ ۇلەسى شامامەن 9 پايىز، – دەدى كامالجان نادىروۆ.

الماتى قالاسى بويىنشا كورونوۆيرۋس جۇقتىرعاندار سانى – 3530. جازىلىپ شىققاندار سانى – 2178. قايتىس بولعاندار – 23 ادام.