قازاقستان پرەزيدەنتى قاسىم-جومارت توقايەۆتىڭ جارلىعىمەن ەلدىڭ دەنساۋلىق ساقتاۋ ءمينيسترى بولىپ الەكسەي سوي تاعايىندالدى. بۇل تۋرالى 25 ماۋسىم كەشكە قاراي اقوردا سايتى حابارلادى.
الەكسەي سوي ءۇش كۇن بۇرىن ۇكىمەت قاۋلىسىمەن دەنساۋلىق ساقتاۋ ءمينيسترىنىڭ ءبىرىنشى ورىنباسارى بولىپ تاعايىندالعان.
43 جاستاعى سوي – تۇركىستان وبلىسىنىڭ تۋماسى. ول بۇعان دەيىن ق ر پرەزيدەنتى ءىس باسقارماسىنىڭ زاماناۋي مەديسينالىق تەحنولوگيالاردى ەنگىزۋ ورتالىعىنىڭ ديرەكتورى، ق ر پرەزيدەنتى ءىس باسقارماسىنىڭ مەديسينالىق ورتالىعىنىڭ باسشىسى، استانا قالاسىنىڭ №1 قالالىق اۋرۋحاناسىنىڭ باس دارىگەرى، ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى، ق ر دەنساۋلىق ساقتاۋ ۆيسە-مينيسترى قىزمەتتەرىن اتقارعان.
2019 جىلعى اقپاننان وسى ۋاقىتقا دەيىن قازاقستان پرەزيدەنتى ءىس باسقارماسىنىڭ مەديسينالىق ورتالىعىن باسقاردى.
2017 جىلدان بەرى دەنساۋلىق ساقتاۋ ءمينيسترى بولعان ەلجان ءبىرتانوۆ بۇگىن پرەزيدەنت توقايەۆتىڭ جارلىعىمەن قىزمەتىنەن بوساتىلعان ەدى.
پىكىر قالدىرۋ