25 ماۋسىم ساعات 21.20-دا قازاقستان دەنساۋلىق ساقتاۋ مينيسترلىگى ەلدە تاعى ءتورت ادامنىڭ كوروناۆيرۋستان كوز جۇمعانىن حابارلادى. 

ۆەدومستۆونىڭ مالىمەتىنشە، اقمولا وبلىسىندا – 1971 جىلى تۋعان ەر ازامات، الماتى قالاسىندا – 1958 جانە 1977 جىلى تۋعان ايەل ادامدار جانە 1979 جىلى تۋعان ەر ادام قايتىس بولعان.
⠀
مارقۇمداردىڭ كوروناۆيرۋستان كوز جۇمعانىن ءولىم ناتيجەلەرىن زەرتتەۋ جونىندەگى كوميسسيا انىقتاعان. 
⠀
وسىلايشا، قازاقستاندا  COVID-19 ۆيرۋسىنان كوز جۇمعاندار سانى 140 ادامعا جەتىپ وتىر. 

ناۋرىز ايىنان بەرى ەلدە 31 962 ادامنان كوروناۆيرۋس انىقتالعان. دەنساۋلىق ساقتاۋ مينيسترلىگى ولاردىڭ 19 285ء-ىن "سيمپتومى بار" دەگەن ساناتقا جاتقىزسا، قالعان 12 677ء-ىن "سيمپتومى جوق" دەپ وتىر. بۇگىنگى كۇنگە دەيىن 12 222 ادام ۆيرۋستان جازىلىپ شىققان.