قازاقستان ۇلتتىق بانكى نۇر-سۇلتان قالاسىنا كوشىرىلدى، دەپ جازادى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتىنە سىلتەمە جاساپ.
"ق ر پرەزيدەنتى قاسىم-جومارت توقايەۆتىڭ 2020 جىلعى 10 ساۋىردەگى №304 جارلىعىنا سايكەس، قازاقستان ۇلتتىق بانكى 2020 جىلدىڭ 1 شىلدەسىنە دەيىن استاناعا كوشىرىلدى. ۇلتتىق بانكتىڭ جاڭا مەكەنجايى – نۇر-سۇلتان قالاسى، ماڭگىلىك ەل كوشەسى، 57 ا" دەپ حابارلادى ۇلتتىق بانكتىڭ باسپا ءسوز قىزمەتى.
مەملەكەت باسشىسىنىڭ تاپسىرماسىمەن، قازاقستاننىڭ قارجى ورتالىعى – الماتى قالاسىنداعى ايتەكە بي، 67 مەكەنجايىندا ۇلتتىق بانكتىڭ تۇراقتى وكىلدىگى اشىلدى. ونىڭ باسشىسى – ۇلتتىق بانك ءتوراعاسىنىڭ ورىنباسارى دينا عالييەۆا.
وكىلدىك ق ر قارجى نارىعىن رەتتەۋ جانە دامىتۋ اگەنتتىگى، قازاقستان قارجىگەرلەرى قاۋىمداستىعى، قارجى نارىعىنىڭ سۋبەكتىلەرى جانە حالىقارالىق قارجى ينستيتۋتتارىمەن تىعىز ءوزارا ارەكەتتەستىكتى جالعاستىرادى.
پىكىر قالدىرۋ