"COVID-19-عا بىرگە قارسى شىعايىق" قاعيداتى بويىنشا ءۇش كەزەڭنەن تۇراتىن شارالار جوسپارلانعان.
العاشقى ەكى اپتا دايىندىق ۋاقىتىنان تۇرسا، ودان كەيىن كارانتيندىك كەزەڭ ىسكە قوسىلادى، ارتىنشا قاعيداتتى تولىق ورىنداۋ فازاسىنا ءوتۋ كوزدەلگەن.
دايىندىق كەزەڭىندە دەنساۋلىق ساقتاۋ جۇيەسىن رەسۋرسپەن قامتاماسىز ەتۋ، تۇرعىنداردىڭ مەديسينالىق كومەككە دەگەن سۇرانىسىن قاناعاتتاندىرۋ، مەديسينا قىزمەتكەرلەرىنىڭ ازىرلىگىن ۇيىمداستىرۋ قامتىلسا، كارانتيندىك كەزەڭدە ۆيرۋستىڭ جاپپاي تارالۋ تىزبەگىن توقتاتۋ، تۇرعىندار مەن بيزنەسكە ارنالعان قۇقىقتىق جانە اقپاراتتىق جۇمىستى جۇرگىزۋ قاراستىرىلعان.
ءۇشىنشى كەزەڭدە ۇزاق مەرزىمدى وڭ ەففەكتتى قالىپتاستىرۋ ءۇشىن ۆەدومستۆوارالىق جانە ەكونوميكالىق شارالاردى قولعا الۋ جوسپارلانعان.
مينيستر كارانتيندىك كەزەڭدە شەكتەۋ شارالارىن ەنگىزىپ، بيزنەس ءۇشىن سانيتارلىق ەرەجەنى قايتا قاراپ، كارانتين رەجيمىن بۇزعانى ءۇشىن اكىمشىلىك جاۋاپكەرشىلىكتى قاتاڭداتۋدى ۇسىندى.
پىكىر قالدىرۋ