30 ماۋسىم تۇنگى 01:44 كەزىندە جامبىل وبلىسى شۋ اۋدانىنىڭ شوقپار ستانساسىندا ۆاگون ورتەندى. بۇل تۋرالى توتەنشە جاعدايلار كوميتەتى حابارلادى.

كوميتەت تارتقان حابارلاماعا قاراعاندا، شوقپار ستانساسىندا ەكى ۆاگون رەلستەن شىعىپ كەتكەن. ونىڭ ءبىرى – 60 توننا بەنزين قۇيىلعان سيستەرنا بولسا، ەكىنشىسى – "الماتى-اقتوعاي" جۇك پويىزىنىڭ كونتەينەرلى پلاتفورماسى. جانارماي قۇيىلعان سيستەرنا ءبىر بۇيىرىنە اۋدارىلىپ، سالدارىنان مۇناي ءونىمى اعىپ، ءورت تۇتانعان.

كوميتەت دەرگىنە ساي، ءورت 600 شارشى مەتر اۋماقتى شارپىعان. تەمىر جولدىڭ 75 مەتر توسەمى بۇلىنگەن. شۋ، الايعىر، ەسپە ستانسالارىندا 10 جولاۋشى پويىزى جولدان قالعان.

كوميتەت تاراتقان حابارلامادا ۆاگونداردىڭ رەلستەن نە سەبەپتى شىعىپ قالعانى ايتىلماعان.

2018 جىلى دا جامبىل وبلىسى شۋ اۋدانىندا جولاۋشىلار پويىزىنىڭ 20 ۆاگونى رەلستەن شىعىپ كەتىپ، ەكەۋى جانىنا اۋدارىلعان. توتەنشە وقيعا سالدارىنان ءبىر ءجاسوسپىرىم قازا تاۋىپ، 23 جولاۋشى جارالانعان ەدى.