قازاقستان پرەزيدەنتى قاسىم-جومارت توقايەۆ Twitter-دەگى پاراقشاسىندا رەسەيدىڭ ۇكىمەتى مەن جوعارى باسشىلعىنا ريزاشىلعىن بىلدىرەتىن جازبا جاريالادى.
"رەسەي ۇكىمەتى كوروناۆيرۋس پاندەمياسىنا قارسى كۇرەسۋ ءۇشىن قازاقستانعا گۋمانيتارلىق كومەك بەرۋ تۋرالى شەشىم قابىلدادى. رەسەيدىڭ جوعارى باسشىلىعىنا دەر كەزىندە مەديسينالىق پرەپاراتتار مەن دارىلەر جەتكىزگەنى ءۇشىن ريزاشىلىعىمدى بىلدىرەمىن" دەپ جازدى توقايەۆ.
بۇعان دەيىن ءبىرقاتار ب ا ق رەسەي قازاقستانعا دارى-دارمەك جانە شىعىس ماتەريالدارىمەن بىرگە تەست جۇيەلەرى تۇرىندە گۋمانيتارلىق كومەك، جۇقپالى اۋرۋلار گوسپيتالدارى مەن ۆيرۋسولوگيالىق زەرتحانالاردى اشۋ بويىنشا ماماندار جىبەرەتىنىن جازعان ەدى.
سوڭعى رەسمي اقپاراتقا سايكەس، ەلدە 41 055 ادامنان كوروناۆيرۋس تابىلعان. وسى ۋاقىتقا دەيىن ولاردىڭ 13558ء-ى جازىلدى، 188ء-ى كوز جۇمدى.
قازاقستان بيلىگى ەلدە كوروناۆيرۋسقا بايلانىستى 16 ناۋرىزدا باستالىپ 2 ايعا جۋىق سوزىلعان توتەنشە جاعداي رەجيمىن الىپ تاستاعان سوڭ ۆيرۋس جۇقتىرعاندار سانى كۇن سايىن كوبەيىپ جاتىر. ماۋسىم ايىنىڭ باسىنان بەرى ەلدە كۇنىنە 1000-نان استام ادامنان ۆيرۋس تابىلىپ ءجۇر.
پىكىر قالدىرۋ