سەمەي قالاسىنىڭ اكىمى ەرماك ساليموۆ كوروناۆيرۋس جۇقتىردى. بۇل تۋرالى ول ءىnstagram پاراقشاسىندا جازدى.
– بۇگىن Covid-19 انىقتاۋ ماقساتىندا تاپسىرعان تەست وڭ ناتيجە بەرگەنى بەلگىلى بولدى. شەكتەۋلەرگە قاراماستان كوپ ادامدارمەن بەلسەندى تۇردە تىعىز بايلانىستا جۇرگىزىلگەن جۇمىستار ءوز اسەرىن كورسەتتى دەۋگە بولادى. بۇگىنگى كۇننەن باستاپ قاتاڭ وقشاۋلاۋ رەجيمىندە بولامىن. مۇمكىندىگىنشە ونلاين جۇمىس جۇرگىزۋگە تىرىسامىن. بارلىق سەمەيلىكتەردى ساقتىق شارالارى مەن سانيتارلىق قىزمەتتەردىڭ ەرەجەلەرىن ساقتاۋعا شاقىرامىن. وزدەرىڭىزدى جانە جاقىندارىڭىزدى ساقتاڭىزدار!، – دەيدى ول.
بۇعان دەيىن قازاقستاندا ەلباسى نۇرسۇلتان نازاربايەۆ، دەنساۋلىق ساقتاۋ ءمينيسترى ەلجان ءبىرتانوۆ، دەپۋتات بەكبولات تىلەۋحان، پرەمەر-مينيستر اسقار مامين، الماتى وبلىسىنىڭ اكىمى اماندىق باتالوۆ، مەملەكەت باسشىسىنىڭ باسپا ءسوز حاتشىسى بەرىك ءۋالي جانە تاعى باسقا بىرنەشە شەنەۋنىك ۆيرۋس جۇقتىرعان.
پىكىر قالدىرۋ