كوروناۆيرۋس ينفەكسياسى مەن جەدەل رەسپيراتورلىق اۋرۋلاردىڭ تارالۋىن ەسكەرتۋ، حالىقتىڭ قاۋىپسىزدىگىن قامتاماسىز ەتۋ ماقساتىندا الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس كارانتين كەزىندە فارماسيەۆتيكالىق قىزمەتتى جۇزەگە اسىرۋ اياسىندا قالانىڭ ءدارىحانا ۇيىمدارىن دارى-دارىمەكپەن قامتاماسىز ەتۋ ماسەلەلەرى بويىنشا مونيتورينگتىك توپ قۇرىلادى.

اتالعان توپتاردى الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مەن الماتى قالاسىنىڭ جانە وبلىسىنىڭ كاسىپكەرلىك جانە ينۆەستيسيالار باسقارماسىمەن، سونىمەن بىرگە، ق ر فارماسيەۆتيكا قىزمەتىن قولداۋ جانە دامىتۋ قاۋىمداستىعىمەن بىرلەسىپ قۇرماق.

مونيتورينگتىك توپتار قالاداعى ءدارىحانالاردى كۇن سايىن ارالايتىن بولادى. مونيتورينگ بارىسىندا ساۋداداعى دارىلىك قۇرالداردىڭ 41 اتاۋىنا ەرەكشە كوڭىل بولىنبەك، سونىڭ ىشىندە ناقتى مىنا پرەپاراتتار: «ترومبوپول»، «كارديوماگنيل»، «اسپيرين»، «ترومبو اسس»، «اسپيرين-كارديو»، «كسارەلتو 15»، «ازيترو 500»، «ازيتروكس 500»، «ازيتروميسين 500»، «ازيسين 500»، «زاحا 500»، «زيتماك 500»، «زيتروكس 500»، «سۋمامەد 500»، «اموكسيكلاب»، «اۋگمەنتين»، «اموكسيكلاۆ»، «كلاۆام»، «فلەموكلاۆ سوليۋتاب»، «سەفيكسيم»، «سەفيم»، «سۋپراكس سوليۋتاب»، «سۋپراكس 24»، «توكسيم-و»، «تاميفليۋ»، «وسەلتاميۆير»، «ينفليۋسەين»، «فلۋۆير»، «نوميدەس»، «ينگاۆيرين 90»، «ەرگوفەرون»، «كاگوسەل»، «ارپەفليۋ»، «پاراسەتامول»، «ەففەرالگان»، «پانادول»، «نۋرافەن»، «يبۋپروفەن»، «نوۆيگان»، «ميگ 400»، «نيمەسۋليد».

سونىمەن بىرگە، ءبىرقاتار ءدارىحانا ۇيىمدارى كۇن سايىن بەلگىلەنگەن تىزىمگە سايكەس، دارىلىك قۇرالداردىڭ بار-جوعى جايلى اقپارات بەرىپ وتىرادى.

وسىلايشا، اتالعان شارالار حالىقتى مەديكامەنتتەرمەن ۇزدىكسىز قامتۋعا جانە ۇيدە ەمدەلەتىن ناۋقاستارعا جاعداي جاساۋعا مۇمكىندىك بەرەدى. سونىمەن بىرگە، دارىلىك پرەپاراتتاردىڭ باعاسىن قاداعالاۋ ماقساتىندا ءدارىحانا ۇيىمدارىنىڭ باسشىلارىنا دەنساۋلىق ساقتاۋ مينيسترلىگىنىڭ 2019 جىلدىڭ 15 شىلدەدەگى «دارىلىك قۇرالدىڭ بولشەك جىنە كوتەرمە ساۋدادا ساتىلاتىن اتاۋىنىڭ شەكتى باعالارىن بەكىتۋ تۋرالى»№ ق ر دسم-104 بۇيرىعىنا سايكەس بولشەك ساۋدادا شەكتى باعانى ساقتاۋ قاجەتتىگى قاتاڭ ەسكەرتىلەدى.