بەيجىڭ بيلىگى گونكونگ ءۇشىن ۇلتتىق قاۋىپسىزدىك تۋرالى زاڭ جوباسىن قابىلداعاننان كەيىن، ۇلىبريتانيا پارلامەنتى 3 ميلليونعا جۋىق گونكونگتىقتاردى قابىلدايتىنىن مالىمدەدى. بۇل تۋرالى قامشى ءتىلشىسى South China Morning Post باسىلىمىنا سىلتەمە جاساپ حابارلايدى.

ۇلىبريتانيا سىرتقى ىستەر ءمينيسترى دومينيك رااب بريتانيا ۋاقىتى بويىنشا ساعات 12.30-دا «گونكونگتىڭ ۇلتتىق قاۋىپسىزدىك تۋرالى زاڭناماسى جانە ۇلىبريتانيانىڭ رەاكسياسى» تۋرالى بايانداماسىن پارلامەنتتە جاريالاعان. وندا 3 ميلليونعا جۋىق گونكونگتىقتارعا ۇلىبريتانيانىڭ ۇلتتىق ءتولقۇجاتىن (شەتەلدىكتەرگە ارنالعان) بەرۋ ايتىلعان. 
كەيبىر پارلامەنت مۇشەلەرى بۇرىنعى بريتانيالىق كولونيادا ادام قۇقىقتارىنىڭ بۇزىلۋىنا بايلانىستى جۇڭگو مەن گونكونگ شەنەۋنىكتەرىنە سانكسيالار سالۋعا شاقىرعان.