بەيجىڭ گونكونگ تۇرعىندارىنا ۇلىبريتانيانىڭ ۇلتتىق ءتولقۇجات بەرۋىن توقتاتۋىن ەسكەرتىپ، لوندونعا قاتاڭ ەسكەرتۋ جاسادى. بۇل تۋرالى قامشى ءتىلشىسى The Guardian گازەتىنە سىلتەمە جاساپ حابارلايدى.
ۇلىبريتانياداعى جۇڭگو ەلشىسى ليۋ سياوميننىڭ ايتۋىنشا، لوندون حالىقارالىق زاڭداردى بۇزىپ وتىر. ەلشى قىتايدىڭ ۇلتتىق قاۋىپسىزدىك تۋرالى جاڭا زاڭ جوباسىنان قاشقان گونكونگ تۇرعىندارىن ۇلىبريتانيانىڭ قابىلداۋ قۇقى جوق ەكەنىن جانە مۇنداي قادامدى توقتاتۋ ءۇشىن بەيجىڭ "ءتيىستى شارالار" قابىلدايتىنىن ايتقان.
جۇڭگو ەلشىلىگىنىڭ ەسكەرتپەلەرى پرەمەر-مينيستر بوريس دجونسون بۇرىنعى بريتاندىق كولونيانىڭ 3 ميلليونعا جۋىق تۇرعىنىنا "شەتەلدەگى ۇلىبريتانيا ازاماتى" مارتەبەسىنە يە قۇجات پەن تۇرۋ قۇقىعىن ۇسىنۋعا ۋادە بەرگەن سوڭ كەلگەن.
ۇلىبريتانيانىڭ سىرتقى ىستەر ءمينيسترى دومينيك رااب ەگەر گونكونگتىقتاردىڭ ۇلىبريتانياعا كەلۋىنە بەيجىڭ جول بەرمەۋگە تىرىسسا، قىتايدى "ماجبۇرلەۋ" ءۇشىن لوندوننىڭ كۇشى جەتكىلىكسىز ەكەنىن مويىنداعان.
بەيسەنبىدە قىتايدىڭ ۇلىبريتانياداعى ەلشىسى "بۇل وقيعا ەكى ەل اراسىنداعى كەلىسىمدەردى بۇزادى" دەپ مالىمدەگەن جانە بريتانيانىڭ ۇلتتىق قاۋىپسىزدىك زاڭناماسىن "جاۋاپسىز جانە نەگىزسىز" دەپ اتاپ، سىنعا العان.
– ءبىز بۇعان تولىقتاي قارسىلىق بىلدىرەمىز جانە ءتيىستى شارالار قابىلداۋ قۇقىعىن ساقتايمىز. ۇلىبريتانيانىڭ گونكونگتىڭ ەگەمەندىگىنە، زاڭدارىنا قاتىسى جوق نەمەسە قاداعالاۋ قۇقىعى دا جوق، – دەگەن جۇڭگو ەلشىسى بەيسەنبى كۇنى ەلشىلىكتىڭ سايتىندا جاريالانعان حابارلامادا.
بەيسەنبىدە اۆستراليانىڭ پرەمەر-مينيسترى سكوتت مورريسون بەيجىڭنىڭ "وتە ماڭىزدى" شەشىمىنەن كەيىن گونكونگ تۇرعىندارىن ءقاۋىپسىز باسپانامەن قامتاماسىز ەتۋ سحەماسى بويىنشا اۆستراليا بيلىگىنىڭ جۇمىس ىستەپ جاتقانىن ايتتى. مورريسون اۆستراليا "قولداۋ كورسەتۋگە دايىن" دەپ مالىمدەگەن.
پىكىر قالدىرۋ