قازاقستاندىق تانىمال تەلەجۇرگىزۋشى، ديزاينەر دينارا ءساتجان ءوزىنىڭ Instagram پاراقشاسىندا ناعاشى اجەسىنىڭ كوروناۆيرۋس ينفەكسياسىنان قايتىس بولعانىن حابارلادى.
– بۇگىن ءبىزدىڭ ناعاشى اپامىز ومىردەن ءوتتى. دياگنوزى – كوروناۆيرۋس. بۇل ءقاۋىپتى ىندەت بۇگىندە جاڭاارقادا ءورشىپ تۇر. ماۋسىم باسىندا سول جەردە بولىپ قايتتىم. ول كەزدە اپام ءوزىن جاقسى سەزىنگەن بولاتىن. بۇل ۆيرۋس بولماعاندا ول ءالى دە كەمىندە 10-15 جىل ءومىر سۇرەتىن ەدى، – دەپ جازدى تەلەجۇرگىزۋشى.
ايتا كەتەيىك، ەلدە ۆيرۋس جۇقتىرعانداردىڭ جالپى سانى – 42 574، ونىڭ ىشىندە جازىلىپ شىققانى – 14 415، قايتىس بولعاندار – 188.
پىكىر قالدىرۋ