الماتىدا جۇمىس ىزدەۋشىلەردىڭ سانى ارتتى. جۇمىسپەن قامتۋ ورتالىعىنا كۇنىنە 500 ادام جۇگىنەدى. بۇل تۋرالى الماتى قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا ايتتى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
«كۇن سايىن بىزگە 500-گە جۋىق ادام كەلەدى. ولاردى شۇعىل تۇردە جۇمىسقا ورنالاستىرۋ ءۇشىن بارلىق شارالاردى قاراستىرامىز. ءبىزدىڭ ورتالىق ارقىلى بۇگىنگى كۇندە 12 مىڭ ادام جۇمىسپەن قامتىلدى»،– دەدى ورتالىق ديرەكتورى ديليارا يمانقۇلوۆا
سونىمەن قاتار، ول سانيتارلىق تالاپتاردى ساقتاۋ ماقساتىندا اۋدانداردا قوسىمشا قابىلداۋ بولىمدەرى اشىلعانىن ايتتى.
«جۇمىسپەن قامتۋ ورتالىعىنا كەلۋشىلەردىڭ سانىن ازايتۋ جانە الەۋمەتتىك اراقاشىقتىقتى ساقتاۋ ماقساتىندا قالانىڭ بەس اۋدانىندا قابىلداۋ بولىمدەرىن اشتىق. ءبىزدىڭ ماماندار وندا ادامدارعا تەزىرەك قىزمەت كورسەتۋگە تىرىسىپ جاتىرمىز. ءبىز بارلىق قاۋىپسىزدىك نورمالارىن ساقتايمىز»،– دەدى ديليارا يمانقۇلوۆا.
ونىڭ ايتۋىنشا، ءقازىر قوعامدىق جۇمىستارعا سۇرانىس جوعارى.
پىكىر قالدىرۋ