ۇلتتىق كەڭەس مۇشەسى، قوعام قايراتكەرى مۇرات ابەنوۆ پرەزيدەنتتىڭ كەڭەيتىلگەن وتىرىسىندا ايتقان دارى-دارمەك تاپشىلىعىنا قاتىستى شەشىمدەرى تۋرالى الەۋمەتتىك جەلىدەگى پاراقشاسىندا جازدى.
مۇرات ابەنوۆتىڭ پىكىرىنشە، بۇل ىسكە قۇزىرلى ورگاندار ارالاسۋ قاجەت.
– دارى-دارمەك تاپشىلىعىنا كىنالى قور باسشىلارىن جۇمىستان شىعارۋ ازدىق ەتەدى. قانشاما ادام قايتىس بولدى. قازاقستان رەسپۋبليكاسىنىڭ قاۋىپسىزدىك كوميتەتى مەن باس پروكۋراتۋراسى بۇل ءىستى قاراۋ كەرەك،-دەپ جازدى قوعام بەلسەندىسى.
ونىڭ ايتۋىنشا، قازاقستاندىقتار ءۇشىن دارى-دارمەك ماسەلەسىمەن پرەزيدەنتتىڭ ءوزى تىكەلەي اينالىسىپ جاتقانى وتە ماڭىزدى.
– بىرىنشىدەن، دەنساۋلىق ساقتاۋ سالاسى دارى-دارمەك تاپشىلىعىن قولدان جاساۋ ارقىلى ۇلكەن تراگەديالارعا جول بەردى. دەنساۋلىق ساقتاۋ مينيسترلىگى الدىن الا دارى-دارمەك ءتىزىمىن قاراستىرۋدىڭ ورنىنا «سق فارماسياعا» تاپسىرىپ قويدى. ەلدەگى دارى-دارمەكتى ساتىپ الۋ تەك ءبىر عانا ۇيىم ارقىلى جۇرگىزىلدى. ناتيجەسىندە ءدارىحانا سورەلەرىنەن دارىلەر جوق بولدى. پرەزيدەنت وسى ماسەلەنى كوتەرىپ، جاۋاپتى قور باسشىلارىن جۇمىستان بوساتىپ، تەكسەرۋدى تاپسىرعانى دۇرىس شەشىم دەپ ويلايمىن، - دەدى مۇرات ابەنوۆ
پىكىر قالدىرۋ