"ۇلىبريتانيا اقش-جاپونيا بىرلەسكەن اسكەري جاتتىعۋلارىن قولداۋ ءۇشىن سوعىس كەمەلەرىن جىبەرمەك. ويتكەنى قىتايمەن شيەلەنىس كۇشەيە ءتۇستى" دەپ مالىمدەدى The Times گازەتى. بۇل تۋرالى قامشى ءتىلشىسى حابارلايدى.

The Times باسىلىمىنىڭ حابارلاۋىنشا، ۇلىبريتانيانىڭ جاڭا اسكەري ۇشاقتار تاسىمالداۋشى قۇنى 3 ميلليارد فۋنت ستەرلينگتىك كەمەسى جانە جويعىش ۇشاقتارى وڭتۇستىك جۇڭگو تەڭىزىنە جىبەرىلمەك.

سوعىس ۇشاقتارىن تاسىمالداۋشىلار وزگە اسكەري كەمەلەرمەن بىرگە بارادى. اسكەري تاسىمالداۋشىلار ەكى "45ء-تيپتى جويعىش ۇشاعى" جانە ەكى "فرەگاتتىڭ" سۇيەمەلدەۋىمەن جولعا شىعادى. وعان قوسا تاعى ەكى جويعىشتىڭ باراتىنى حابارلاندى.

The Times باسىلىمىنىڭ اقپاراتىنشا، بۇل اگرەسسيۆتى قىتايعا قارسى تۇرۋ ءۇشىن جاسالعان.

بۇعان دەيىن وڭتۇستىك جۇڭگو تەڭىزىندە اقش پەن جۇڭگو اسكەري كۇشتەرى ءبىر ۋاقىتتا جاتتىعۋ وتكىزىپ جاتقانى حابارلانعان. جۇڭگو شىلدەنىڭ باسىندا پاراكەل ارالدارى ماڭىنا سوعىس كەمەلەرىن جىبەرگەن. كەيىنىرەك، ۆاشينگتون دا پاراكەل ارالدارى ماڭىنا اسكەري ۇشاقتار تاسىمالداۋشىلارىن جىبەردى. اقش وعان قوسا، يادرولىق بوملالاۋشىسىن دا جونەلتكەن. 

ال قىتايلىق گلوبال تايمس باسىلىمى بەيجىڭنىڭ "كيللەر زىمىراندارى" اقش سوعىس ۇشاقتارىن تاسىمالداۋشىلارعا سوققى بەرەتىنىن ەسكەرتكەن. 

اسكەري ساراپشىلار ەكى ەلدىڭ كوپتەگەن جويعىشتارى مەن كەمەلەرىنىڭ وتە جاقىن قاشىقتىقتا جاتتىعۋ وتكىزۋى اسكەري قاقتىعىس ءقاۋپىن كۇشەيتەتىنىن مالىمدەگەن.