قازاقستاننىڭ ادىلەت ءمينيسترى مارات بەكەتايەۆ ورتالىق كوممۋنيكاسيالار قىزمەتىندە وتكەن بريفينگتە كارانتين كەزىندە وتباسىلىق جيىن-توي جاساعاندارعا قانداي جازا قولدانىلاتىنىن ايتتى.
– كارانتين كەزىندە اۋلاسىندا وتباسىلىق سالتاناتتار مەن توي جاساعاندار اكىمشىلىك قۇقىق بۇزۋشىلىقتىڭ 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردi بۇزۋ) بويىنشا جاۋاپكەرشىلىككە تارتىلادى. العاشقى زاڭ بۇزۋشىلىق ءۇشىن 83 مىڭ تەڭگە كولەمىندە ايىپپۇل سالۋ كوزدەلگەن، – دەدى ول.
ونىڭ سوزىنشە، كارانتين كەزىندەگى توي ازاماتتاردىڭ جاپپاي ىندەت جۇقتىرۋىنا اكەلىپ سوقسا، وندا ايىپپۇل كولەمى ارتادى.
ال تويعا بارىپ ىندەت جۇقتىرعاننىڭ سوڭى قايعىلى اياقتالسا، وندا توي يەلەرى قىلمىستىق جاۋاپكەرشىلىككە تارتىلۋى مۇمكىن.
پىكىر قالدىرۋ