700 مىڭ قازاقستاندىققا 42 500 تەڭگە مولشەرىندە ءبىرجولعى تولەمدى پرواكتيۆتى تاعايىنداۋ تۋرالى SMS حابارلاما ءتۇستى، دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.
"توتەنشە جاعداي كەزەڭىندە تولەم العان، قىزمەتىنىڭ قايتا شەكتەلۋ مۇمكىندىگى جوعارى 700 مىڭ قازاقستاندىق 42 500 تەڭگە كولەمىندەگى تولەمدى پرواكتيۆ تاعايىنداۋ ءۇشىن SMS-حابارلاما الدى" دەلىنگەن ۆەدومستۆونىڭ حابارلاماسىندا.
كەشە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ توتەنشە جاعداي كەزىندە تولەم العان ازاماتتارعا، ولاردىڭ قىزمەتى وسى جىلدىڭ شىلدە ايىندا شەكتەۋلەرگە ۇشىراۋى ابدەن مۇمكىن ەكەنىن، سوندىقتان تولەمدى پرواكتيۆتى تاعايىنداۋ ءۇشىن كىرىستى جوعالتۋ فاكتىسىن راستاۋ ءۇشىن SMS-حابارلاما جىبەرىلەتىنىن ايتتى.
– وتكەندە 42500 تەڭگەنى ءساتتى العان تۇرعىنداردى ساراپتاي كەلىپ، جاعدايى وزگەرمەدى-اۋ دەپ بولجاعان كىسىلەرگە سۇراۋ جىبەرىپ جاتىرمىز. ءسىز وتكەندە 42500 تەڭگە الدىڭىز، بۇل جولى دا تابىسىڭىزدان ايىرىلدىڭىز با دەگەن سمس جىبەردىك. ءيا دەگەن جاۋاپ كەلسە، سول تۇرعىنعا ەش ءوتىنىشسىز تولەم تاعايىنداۋ شاراسىن جاسايمىز. سوندىقتان، بۇگىن سمس العان كىسىلەر تابىستان ايىرىلعانىڭىزدى راستاعان بولساڭىز، ەرتەڭ جۇما كۇنى پورتالدارعا ءوتىنىش بەرۋدىڭ قاجەتى جوق. جاي عانا ءوز مارتەبەڭىزدى تەكسەرسەڭىز، "ءسىز ءۇشىن ءوتىنىش قابىلداندى" دەپ جازىلىپ تۇرادى، – دەگەن كەشە مينيستر نۇرىمبەتوۆ.
پىكىر قالدىرۋ