تۇڭعىش پرەزيدەنت پاركىندە ساموكات پەن ۆەلوسيپەد تەبۋگە نەگە تىيىم سالىندى؟ بۇل سۇراققا الماتى اكىمشىلىك پوليسياسىنىڭ باسشىسى جاندوس مۇراتالييەۆ جاۋاپ بەردى.
Instagram جەلىسىندە rozysk_kz پاراقشاسىنداعى تىكەلەي ەفير كەزىندە اكىمشىلىك پوليسيا باسقارماسىنىڭ باسشىسىنا تۇڭعىش پرەزيدەنت پاركىندە ساموكات پەن ۆەلوسيپەد تەبۋگە نەگە تىيىم سالىنعانى تۋرالى سۇراق قويىلعان بولاتىن.
ونىڭ ايتۋىنشا، شەكتەۋ جازاتايىم وقيعالارعا بايلانىستى ەنگىزىلگەن.
– بۇل اۋماق كولىك جۇرەتىن بولىك ەمەس جانە جالپىعا ورتاق پايدالانىلاتىن جولدار ساناتىنا جاتپايدى. سوندىقتان، بۇيرىقتى اۋدان اكىمدىگى نەمەسە قىزمەت كورسەتۋ ۇيىمى بەلگىلەيدى. شەكتەۋ بالالار مەن باسقا جاياۋ جۇرگىنشىلەردى ساموكاتپەن قۇلاتىپ كەتۋ سياقتى جازاتايىم وقيعالارعا بايلانىستى ەنگىزىلدى. وسىعان بايلانىستى ۆەلوسيپەد جولى الىنىپ تاستالدى. قازىرگى ۋاقىتتا ەلەكتروساموكاتتار جىلدامدىعى ساعاتىنا 30-40 شاقىرىمعا جۇرەتىنىن بىلەسىزدەر. قاتتى ايداعان كەزدە جاياۋ جۇرگىنشى، نە جۇرگىزۋشىنىڭ ءوزى زارداپ شەگۋى مۇمكىن، – دەدى مۇراتالييەۆ.
پىكىر قالدىرۋ