بارسەلونا كارانتينگە كوشۋگە ءماجبۇر بولدى. يسپانياداعى پاندەميانىڭ ەكىنشى تولقىنى سالدارىنان 1،6 ميلليون ادامعا "ۇيدە بولۋ" ەسكەرتىلدى. بۇل تۋرالى قامشى ءتىلشىسى The Sun گازەتىنە سىلتەمە جاساپ حابارلايدى.
بيلىك يسپانيانىڭ ەكىنشى ۇلكەن قالاسى، 1،6 ميلليون حالقى بار بارسەلونا تۇرعىندارىن جۇمادا ۇيدەن شىقپاۋعا جانە 10-نان اسا ادام بولىپ توپتاسپاۋعا شاقىردى. كاتالونيانىڭ دەنساۋلىق ساقتاۋ ءبولىمىنىڭ باستىعى البا ۆەرگەس باسپا ءسوز ءماسليحاتىندا "ءبىز ادامدارعا مۇلدەم قاجەت بولماسا، سىرتقا شىقپاۋعا كەڭەس بەرەمىز" دەپ جاريالاعان.
سونىمەن بىرگە يسپانيانىڭ تۋريستىك نۇكتەلەرىنىڭ ءبىرى سانالاتىن بارسەلونا تۇرعىندارىنا كەرەكتى زاتتاردى ينتەرنەت-دۇكەندەردەن ساتىپ الۋعا نۇسقاۋ بەرىلگەن.
بۇعان دەيىن الەم بويىنشا ءبىرىنشى بولىپ قازاقستان قايتا كارانتين جاريالاعان بولاتىن. ودان كەيىن ىلە-شالا اۆستراليا لوكداۋن شارالارىن ەنگىزدى. كوپ وتپەي ءۇندىستان دا كارانتين جاريالاۋعا ءماجبۇر بولدى.
پىكىر قالدىرۋ