جوبا مادەنيەت جانە سپورت مينيسترلىگى، الماتى قالاسىنىڭ مادەنيەت جانە سپورت باسقارماسى مەن سپورتشىنىڭ اناسى وكسانا تەنمەن بىرلەسىپ جۇزەگە اسىرىلىپ جاتىر.

Global Figure Skating اكادەمياسى – كەزىندە دەنيس تەننىڭ مانەرلەپ سىرعاناۋ سپورتىنىڭ دەڭگەيىن زەرتتەي كەلە، جەكە تاجىريبەسىنە سۇيەنە وتىرىپ، دايىندالعان جوبا بولاتىن. اكادەميا الماتى قالاسىنداعى مۇز سارايىنىڭ ءبىرىنىڭ جانىنان اشىلادى.

دەنيس تەن اتىنداعى Global Figure Skating مانەرلەپ سىرعاناۋ اكادەمياسى قازاقستاندا مانەرلەپ سىرعاناۋ سپورتىن دامىتۋعا باعىتتالعان ءبىرىڭعاي ورتالىق بولادى. اكادەميا بالالار اراسىندا اتالعان سپورت ءتۇرىن بۇقارالىق دەڭگەيگە جەتكىزۋگە باعىتتالادى. ءقازىر وكسانا تەن Global Figure Skating اكادەمياسىندا بالالاردى باۋلۋ ءۇشىن دەنيستى جاتتىقتىرعان تاتيانا تاراسوۆا، فرەنك كەرولل سىندى داڭقتى باپكەرلەرمەن كەلىسسوز جۇرگىزىپ جاتىر.

الداعى ۋاقىتتا وسىنداي اكادەميانى نۇر-سۇلتان قالاسىنان اشۋ جوسپاردا بار.