ق ر مادەنيەت قايراتكەرى، ءداستۇرلى ءانشى، قازاقستاننىڭ ەڭبەك سىڭىرگەن ءارتىسى رامازان ستامعازييەۆتىڭ ءىنىسى ەرلان ستامعازييەۆ ومىردەن ءوتتى. بۇل تۋرالى تەمىربەك جۇرگەنوۆ اتىنداعى قازاق ۇلتتىق ونەر اكادەمياسى حابارلادى.

"ت.ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى جانە ۇجىمى ۇستاز، قازاقستاننىڭ ەڭبەك سىڭىرگەن ءارتىسى، "قۇرمەت" وردەنىنىڭ يەگەرى رامازان ستامعازييەۆتىڭ ءىنىسى، ءانشى، ق ر مادەنيەت قايراتكەرى ەرلان ءومىرالى ۇلى ستامعازييەۆتىڭ دۇنيەدەن وزۋىنا بايلانىستى قازاعا ورتاقتاسىپ، وتباسى، تۋعان-تۋىستارىنا كوڭىل ايتادى. مارقۇمنىڭ جاتقان جەرى جايلى، يمانى سالامات بولسىن! امال كىتابى وڭ جاعىنان اشىلسىن، اللا الدىنان جارىلقاسىن!" دەلىنگەن اكادەميانىڭ facebook پاراقشاسىندا جاريالانعان حابارلامادا.

مارقۇمنىڭ دەدەن قايتىس بولعانى ازىرگە ايتىلمادى.

ەرلان ستامعازييەۆ 1970 جىلى الماتى وبلىسى كەگەن اۋدانى كوپپياز اۋىلىندا تۋعان.

1989 جىلى الماتىداعى پ.ي.چايكوۆسكيي اتىنداعى مۋزىكا كوللەدجىن، 1995 جىلى قۇرمانعازى اتىنداعى قازاق ۇلتتىق كونسەرۆاتورياسىن بىتىرگەن.

1998 جىلدان ءسۇيىنباي اتىنداعى الماتى وبلىستىق فيلارمونياسىندا ءانشى بولىپ قىزمەت ەتكەن.

قامشى ۇجىمى مارقۇمنىڭ اعاسى رامازان ستامعازييەۆ پەن بارشا تۋعان-تۋىستارىنا قايعىلارىنا ورتاقتاسىپ، كوڭىل ايتادى.