ەگەر كارانتين ۇزارتىلسا تامىزدا 42 500 تەڭگە تولەنەدى مە؟ بۇل سۇراققا ەڭبەك جانە حالىقتى الەۋمەتتىك قورعاۋ مينيسترلىگى جاۋاپ بەردى.
"2020 جىلدىڭ شىلدەسىندە شەكتەۋ شارالارىن ەنگىزۋگە بايلانىستى 2020 جىلدىڭ شىلدەسىندە تابىسىنان تولىقتاي ايىرىلعان جاعدايدا، شەكتەۋ شارالارىن ەنگىزۋگە بايلانىستى كىرىستەن ايىرىلعان جاعدايدا ءبىرجولعى الەۋمەتتىك تولەمدى جۇزەگە اسىرۋ قاعيدالارىنا سايكەس ءبىرجولعى تولەم ءبىر رەت تاعايىندالادى جانە ءبىر ايلىق جالاقى مولشەرىندە (42،500 تەڭگە) بەلگىلەنەدى. وسىلايشا، وسى قاعيدالاردىڭ اياسىندا 42،500 تەڭگە مولشەرىندە ءبىرجولعى تولەم وسى جىلدىڭ شىلدە ايىنا عانا تولەنەدى" دەلىنگەن مينيسترلىك حابارلاماسىندا.
بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگەگە ءوتىنىش قاي ۋاقىتقا دەيىن قابىلدانادى جانە قاي ساناتتاعى ازاماتتارعا بەرىلەتىنىن ايتقان بولاتىن.
ونىڭ ايتۋىنشا كارانتيندە جۇمىسى توقتاپ قالعان جەكە كاسىپكەرلەر، جەكە پراكتيكامەن اينالىساتىندارعا 42500 تەڭگە تولەنەدى. ونى اۋدان، قالاداعى شتاب پەن سالىق كوميتەتىنىڭ وكىلدەرى بەلگىلەيتىن بولادى.
سونىمەن قاتار مينيستر egov.kz جانە 42500.enbek.kz-تە 42 500 تەڭگە مولشەرىندەنى تولەم تاعايىنداۋعا وتىنىمدەردى قابىلداۋ كەزەڭ-كەزەڭمەن جۇزەگە اسىرىلاتىنىن حابارلاعان.
پىكىر قالدىرۋ